പി സി ജോര്‍ജ് ഇഡി ഓഫീസില്‍; സ്വര്‍ണക്കടത്ത്, ലൈഫ് മിഷന്‍ കേസുകളിലെ തെളിവുകൾ കൈമാറാൻ വന്നതെന്ന് പ്രതികരണം

സ്വന്തം ലേഖകൻ

കൊച്ചി: ജനപക്ഷം പാർട്ടി നേതാവ് പി.സി ജോർജ് ഇ.ഡി ഓഫീസിലെത്തി. സ്വർണക്കടത്ത്, ലൈഫ് മിഷൻ കേസുകളുമായി ബന്ധപ്പെട്ടാണ് അദ്ദേഹം ഓഫീസിൽ എത്തിയത്.

പ്രസ്തുത കേസുകളിൽ നിരവധി തെളിവുകൾ കൈയിലുണ്ട്.അത് കൈമാറാനാണ് വന്നതെന്നും പി സി ജോർജ് പ്രതികരിച്ചു.

ഇ.ഡിയുടെ കൊച്ചിയിലെ ഓഫീസിൽ ആണ് അദ്ദേഹം എത്തിയത്.ഇ ഡി ആവശ്യപ്പെട്ടതു പ്രകാരമാണ് നേരിട്ട് എത്തി തെളിവുകൾ കൈമാറുന്നതെന്നും അദ്ദേഹം പറഞ്ഞു.