ബമ്പർ ട്വിസ്റ്റ്‌; ആ ഭാഗ്യവാൻ സെയ്‌തലവിയല്ല; കൊച്ചിക്കാരൻ ജയപാലൻ; ഓണം ബംപർ അടിച്ചത് ഓട്ടോഡ്രൈവർക്ക്; സമ്മാനാര്‍ഹമായ ടിക്കറ്റ് കനറാ ബാങ്ക് ശാഖയില്‍ സമര്‍പ്പിച്ചു

സ്വന്തം ലേഖകൻ

കൊച്ചി: ഒടുവിൽ  ഭാഗ്യശാലിയെ കണ്ടെത്തി. ഈ വർഷത്തെ തിരുവോണം ബമ്പർ തൃപ്പൂണിത്തുറ മരട് സ്വദേശി ജയപാലന്. ഓട്ടോ ഡ്രൈവറ്റണ് ജയപാലൻ. ഈ മാസം പത്തിനാണ് ടിക്കറ്റെടുത്തത്.

സമ്മാനാര്‍ഹമായ ടിക്കറ്റ് കനറാ ബാങ്ക് ശാഖയില്‍ സമര്‍പ്പിച്ചു. ടിക്കറ്റെടുത്തത് ഈ മാസം 10 നായിരുന്നു. തൃപ്പൂണിത്തുറ മീനാക്ഷി ലോട്ടറി ഏജൻസിയിൽ നിന്നാണ് ടിക്കറ്റ് വാങ്ങിയത്.

നേരത്തെ ഓണം ബംപർ ആയ 12 കോടി തനിക്കാണെന്ന അവകാശവാദവുമായി പ്രവാസിയായ സെയ്തലവി രംഗത്തെത്തിയിരുന്നു.

ദുബായിൽ ഹോട്ടൽ ജീവനക്കാരനായ ഇദ്ദേഹം സുഹൃത്ത് വഴിയാണ് ടിക്കറ്റ് എടുത്തതെന്നും
എന്നാൽ ടിക്കറ്റ് സുഹൃത്തിൻ്റെ പക്കലാണെന്നും പറഞ്ഞിരുന്നു.

ഒടുവിൽ ഈ അനിശ്ചിതത്വങ്ങൾക്ക് വിരാമമിട്ടാണ് യഥാർത്ഥ വിജയിയെ കണ്ടെത്തിയത്.