കണ്ണൂർ: നിയമസഭാ തിരഞ്ഞെടുപ്പില് കണ്ണൂരില് മത്സരിക്കുന്നതുമായി ബന്ധപ്പെട്ട് പ്രതികരിച്ച് മുതിര്ന്ന കോണ്ഗ്രസ് നേതാവ് കെ സുധാകരൻ എംപി.
കണ്ണൂരില് ഞാൻ മത്സരിക്കും. മാധ്യമങ്ങളുടെ ചോദ്യങ്ങളോടാണ് എംപിയുടെ പ്രതികരണം,
നേരത്തെ കണ്ണൂരില് താൻ മത്സരിക്കണമോയെന്ന് പാര്ട്ടി തീരുമാനിക്കുമെന്നും ഇതുവരെ അക്കാര്യം പാര്ട്ടി ചോദിച്ചിട്ടില്ലെന്നും കെ സുധാകരൻ പറഞ്ഞിരുന്നു. കണ്ണൂരില് മത്സരിക്കുമോയെന്ന് പാര്ട്ടി ചോദിക്കുമെന്നാണ് കരുതുന്നത്. അത്തരത്തിലൊരു ചോദ്യം ഉണ്ടായാല് അപ്പോള് നിലപാട് പറയുമെന്നും ചോദിക്കാതെ താല്പര്യം അറിയിക്കില്ലെന്നും കെ സുധാകരൻ പറഞ്ഞിരുന്നു.
നിയമസഭാ തെരഞ്ഞെടുപ്പില് എംപിമാര് മത്സരിക്കണോയെന്ന കാര്യത്തില് കോണ്ഗ്രസില് അന്തിമ ധാരണയായിട്ടില്ല. കെ സുധാകരനടക്കം ഇളവ് നല്കുന്നതും നേതൃത്വത്തിന്റെ പരിഗണനയിലാണ്. കണ്ണൂരില് മത്സരിക്കുമെന്ന് നേരത്തെയും കെ സുധാകരൻ വ്യക്തമാക്കിയിരുന്നു. മറ്റു കോണ്ഗ്രസ് നേതാക്കളും കണ്ണൂര് സീറ്റ് ഉന്നമിടുന്നുണ്ട്.
Whatsapp Group 1 | Whatsapp Group 2 |Telegram Group
എംപി സ്ഥാനം ഒഴിവാക്കി എംഎല്എ ആകണമെന്നും മന്ത്രിയാകണമെന്നുമുള്ള ആഗ്രഹം കെ സുധാകരൻ ഇതിനോടകം പല നേതാക്കളോടും പറഞ്ഞിട്ടുണ്ടെന്നാണ് വിവരം. കെ സുധാകരന് മാത്രം നിയമസഭയിലേക്ക് മത്സരിക്കാൻ ഹൈക്കമാന്റിന്റെ അനുമതി ഉണ്ടെന്നാണ് അദ്ദേഹത്തിന്റെ അനുയായികള് പ്രചരിപ്പിക്കുന്നത്. കെ സുധാകരന് മാത്രം ഇളവ് നല്കിയാല് നാലഞ്ച് എംപിമാർ കൂടി നിയമസഭയിലേക്ക് ഇറങ്ങാൻ തയ്യാറായി നില്ക്കുന്നതിനാല് കെപിസിസി നേതൃത്വം അനുകൂലമല്ല.
