നിലമ്പൂരിൽ സ്കൂളുകള്‍ക്കുള്ള അവധികള്‍ പ്രഖ്യാപിച്ചു; ബൂത്ത് ക്രമീകരണത്തിന്റെ ഭാഗമായി ഈ സ്കൂളിന് 18 മുതല്‍ 23 വരെ അവധി; മറ്റ് സ്കൂളുകള്‍ക്ക് രണ്ട് ദിവസം അവധി

തിരുവനന്തപുരം: ജൂണ്‍ 19ന് നിലമ്പൂർ ഉപതെരഞ്ഞെടുപ്പ് നടക്കുന്ന പശ്ചാത്തലത്തില്‍ നിലമ്പൂരിലെ സ്കൂളുകള്‍ക്കുള്ള അവധി പ്രഖ്യാപിച്ച്‌ ജില്ലാ കളക്ടർ.

ബൂത്ത് ക്രമീകരിക്കുന്നതിനും മറ്റു നടപടികള്‍ക്കുമായി പോളിംഗ് സാമഗ്രികളുടെയും ഇവിഎം/ വിവി പാറ്റ് മെഷീനുകളുടെയും വിതരണ സ്വീകരണ കേന്ദ്രമായി പ്രവർത്തിക്കുന്ന ചുങ്കത്തറ മാർത്തോമ ഹയർസെക്കൻഡറി സ്കൂളിന് ജൂണ്‍ 18 മുതല്‍ 23 വരെയാണ് അവധി നല്‍കിയിരിക്കുന്നത്.

പോളിംഗ് സ്റ്റേഷനുകളായി പ്രവർത്തിക്കുന്ന സ്കൂളുകള്‍ക്ക് ജൂണ്‍ 18, 19 തീയതികളിലാണ് ജില്ലാ കളക്ടർ അവധി പ്രഖ്യാപിചിരിക്കുന്നത്.