വാഴയിലയിൽ പാചകം ചെയ്ത നെത്തോലി മീൻ ; ഒരു തുള്ളി എണ്ണ പോലും ഉപയോഗിക്കാതെ നിങ്ങൾക്കും തയ്യാറാക്കാം ; രുചിയൂറും നെത്തോലി തയ്യാറാക്കുന്ന വിധം ഇങ്ങനെ

ആവശ്യമായ ചേരുവകള്‍

നത്തോലി – 250 ഗ്രാം

വെളുത്തുള്ളി – 10-15

ചുവന്നുള്ളി – 10

പെരുംജീരകം 1/2 ടീസ്പൂണ്‍ കറിവേപ്പില – 2 തണ്ട്

ഉപ്പ് – ആവശ്യത്തിന്

പുളിവെള്ളം – 1 ടേബിള്‍സ്പൂണ്‍

മഞ്ഞള്‍ പൊടി – 1/2 ടീസ്പൂണ്‍

തയാറാക്കുന്ന വിധം

മീൻ നന്നായി കഴുകി വൃത്തിയാക്കി മാറ്റി വയ്ക്കുക. ഇനി ഇതിലേക്ക് അരപ്പു തയാറാക്കാനായി മിക്‌സിയുടെ ഒരു ജാറിലേക്കു വെളുത്തുള്ളി, ചുവന്നുള്ളി , പെരുംജീരകം, കറിവേപ്പില, പച്ചമുളക്, പുളിവെള്ളം, മഞ്ഞള്‍ പൊടി, ഉപ്പ്‌ എന്നിവ ഇട്ട് നന്നായി അരച്ചെടുക്കുക.

ശേഷം ഇത് മീനില്‍ ഇട്ടു ഒരു മണിക്കൂർ മാറ്റി വയ്ക്കുക. ഈ സമയം ഇഡ്ഡലി പാത്രത്തില്‍ വെള്ളം തിളപ്പിക്കാൻ വയ്ക്കുക. മാരിനേറ്റ് ചെയ്ത മീൻ കുറേശ്ശേ എടുത്തു വാഴയിലയില്‍ വച്ച്‌ മടക്കി 10 മിനിറ്റ് ആവിയില്‍ വേവിച്ചെടുക്കുക. അടിപൊളി രുചിയില്‍ മീൻ റെഡി.