എൻസിസി ക്യാമ്പ് സമയത്ത് ഉള്‍പ്പെടെ പീഡിപ്പിച്ചു; വിദ്യാര്‍ഥിനിയുടെ പരാതിയില്‍ അധ്യാപകൻ അറസ്റ്റില്‍

പേരാമ്പ്ര: സ്കൂള്‍ വിദ്യാർഥിനിയെ പീഡിപ്പിച്ച കേസില്‍ അധ്യാപകനെ അറസ്റ്റ് ചെയ്ത് പൊലീസ്.

ചെരുവില്‍ ബിജോ മാത്യു (44)വിനെയാണ് പെരുവണ്ണാമൂഴി പൊലീസ് അറസ്റ്റ് ചെയ്തത്. ജനുവരി 17നാണ് വിദ്യാർഥിനി അധ്യാപകനെതിരെ പരാതി നല്‍കിയത്.

എൻസിസി ക്യാമ്പ് സമയത്ത് ഉള്‍പ്പടെ അധ്യാപകൻ പീഡിപ്പിച്ചെന്നാണ് വിദ്യാർഥിനിയുടെ പരാതിയില്‍ പറയുന്നത്. ഹൈക്കോടതി ജാമ്യ ഹർജി തള്ളിയതിനെ തുടർന്ന് കേസ് അന്വേഷണ ഉദ്യോഗസ്ഥനായ സബ് ഇൻസ്പെക്ടർ ജിതിൻ വാസിനു മുൻപില്‍ പ്രതി കീഴടങ്ങുകയായിരുന്നു.

കേസിനെ തുടർന്ന് സ്കൂള്‍ അധികൃതർ അധ്യാപകനെ 6 മാസത്തേക്ക് സസ്പെൻഡ് ചെയ്തിരുന്നു. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.