സ്വന്തം ലേഖകൻ
കോട്ടയം:
ആദിവാസി-ദലിത് സംഘടനകൾ ആഹ്വാനം ചെയ്ത നാളത്തെ സംസ്ഥാന ഹർത്താൽ ശക്തമായേക്കുമെന്ന് സൂചന. കോട്ടയത്ത് സമരം ആഹ്വാനം ചെയ്ത സംഘടനകൾ വാഹനങ്ങളിൽ മൈക്ക് അനൗൺസ്മെന്റ് അടക്കമുള്ള വൻ പ്രചാരണങ്ങൾ നടത്തുന്നുണ്ട്.
കടകൾ തുറക്കരുതെന്നും വാഹനങ്ങൾ നിരത്തിലിറക്കാതെ ഹർത്താലുമായി സഹകരിക്കണമെന്ന് ആവശ്യപ്പെട്ടാണ് അനൗൺസ്മെന്റ് കോട്ടയത്ത് ഹർത്താൽ ശക്തമാകാനാണ് സാധ്യത. വാഹനങ്ങൾ തടയാനും സാധ്യതയുണ്ട്. ദളിത് ശക്തി കേന്ദ്രങ്ങളിൽ ഹർത്താൽ പൂർണമാകും.
എസ് സി |എസ് ടി ലിസ്റ്റിനെ ജാതി അടിസ്ഥാനത്തിൽ വിഭജിക്കാനും, ഈ വിഭാഗങ്ങ ളിൽ ‘ക്രീമിലെയർ’ നടപ്പാക്കാനും 2024 ആഗസ്റ്റ് 1 ന് സുപ്രീം കോടതി പുറപ്പെടുവിച്ച വിധിക്കെതിരെയാണ് നാളെ സംസ്ഥാനത്ത് ഹർത്താൽ ആചരിക്കാൻ വിവിധ ആദിവാസി – ദലിത് സംഘടനകൾ തീരുമാനിച്ചത്.
Whatsapp Group 1 | Whatsapp Group 2 |Telegram Group
പ്രകൃതി ദുരന്തങ്ങളുടെ പശ്ചാത്തലത്തിൽ വയനാട് ജില്ലയെ ഹർത്താലിൽ നിന്നും ഒഴിവാക്കിയിട്ടുണ്ട്.
വിധിക്കെതിരെ വിവിധ ദലിത് – ബഹുജൻ പ്രസ്ഥാനങ്ങൾ ദേശീയതലത്തിൽ പ്രഖ്യാപിച്ചിരിക്കുന്ന ഭാരത് ബന്ദിന്റെ ഭാഗമായാണ് കേരളത്തിൽ ഹർത്താൽ ആഹ്വാനം ചെയ്യുന്നത്.
സുപ്രീം കോടതി വിധി മറികടക്കാൻ പാർലമെൻ്റിൽ നിയമനിർമ്മാണം നടത്തണമെന്നതാണ് മുഖ്യമായ ആവശ്യം.
\
