നാലംഗ സംഘം ട്രാന്‍സ്ജെന്‍ഡര്‍ യുവതിയെ അക്രമിച്ച്‌ കവര്‍ച്ച നടത്തി

സ്വന്തം ലേഖകൻ

മംഗളൂരു: ട്രാന്‍സ്ജെന്‍ഡര്‍ യുവതിയെ നാല് യുവാക്കള്‍ ചേര്‍ന്ന് അക്രമിച്ച്‌ പണം കവര്‍ന്നതായി പരാതി. നഗരത്തില്‍ ഉര്‍വ പൊലീസ് സ്റ്റേഷന്‍ പരിധിയിലെ കുണ്ടികാനയില്‍ അക്രമത്തിനിരയായ ശാന്തി ചൊവ്വാഴ്ച പരാതി നല്‍കി.

കഴിഞ്ഞ ദിവസം രാത്രിയാണ് സംഭവം.

തെറി വിളിക്കുകയും കല്ലുകളും പ്ലാസ്റ്റിക് പൈപ്പുകളും ഉപയോഗിച്ച്‌ ഇടിക്കുകയും ചെയ്ത ശേഷം ബാഗിലുണ്ടായിരുന്ന 6000 രൂപ കവര്‍ന്നതായി പരാതിയില്‍ പറഞ്ഞു. അതുവഴി കാര്‍ വരുന്നത് കണ്ട് അക്രമികള്‍ ഓടിപ്പോവുകയായിരുന്നു. ഒപ്പമുണ്ടായിരുന്ന മറ്റൊരു ട്രാന്‍സ്ജെന്‍ഡര്‍ യുവതി ഐശ്വര്യയാണ് ശാന്തിയെ ആശുപത്രിയില്‍ എത്തിച്ചത്.