മദ്യപിക്കുന്നതിനിടയിൽ തർക്കം; രണ്ട് സുഹൃത്തുക്കളെ തലക്കടിച്ചു കൊന്ന ശേഷം മൂന്നാമൻ പൊലീസ് സ്റ്റേഷനിൽ വന്നു കീഴടങ്ങി; നാടിനെ നടുക്കിയ കൊലപാതകം തിരുവനന്തപുരം മാറന്നല്ലൂരിൽ

സ്വന്തം ലേഖകൻ

തിരുവനന്തപുരം: മാറന്നല്ലൂരിൽ സുഹൃത്തുക്കളെ തലക്കടിച്ചുകൊന്ന ശേഷം യുവാവ് പൊലീസ് സ്റ്റേഷനിൽ വന്നു കീഴടങ്ങി.

പക്രു (36), സന്തോഷ് (40) എന്നിവരാണ് മരിച്ചത്. കൊലപാതകത്തിന് ശേഷം പ്രതി അരുൺ രാജ് (30) സ്റ്റേഷനിൽ വന്ന് കീഴടങ്ങി. ഇയാൾ മദ്യ ലഹരിയിലായിരുന്നു.

സന്തോഷിന്‍റെ വീടിന്​ സമീപം മൂവരും ചേര്‍ന്ന്​ മദ്യപിക്കുകയായിരുന്നു. മദ്യലഹരിയില്‍​ സുഹൃത്തുക്കൾക്കിടയിൽ തര്‍ക്കമുണ്ടായി.

പ്രകോപനമുണ്ടായതിനെ തുടർന്ന് അരുണ്‍രാജ്​ കമ്പികൊണ്ട്​ ഇരുവരെയും തലക്കടിച്ച്‌​ കൊലപ്പെടുത്തുകയായിരുന്നു.

തുടര്‍ന്ന് പ്രതി മാറന്നല്ലൂര്‍ സ്റ്റേഷനിലെത്തി കീഴടങ്ങി. സംഭവത്തിൽ കൂടുതൽ അന്വേഷണം നടത്തുമെന്ന് പൊലീസ് അറിയിച്ചു.