ഇറച്ചിക്കട ലേലത്തെ ചൊല്ലി തർക്കം; കാപ്പാ കേസ് പ്രതിയെ നടുറോഡില്‍ കുത്തിക്കൊന്നു; പ്രതി പൊലീസില്‍ കീഴടങ്ങി; ഇരുവരും തമ്മില്‍ ദീര്‍ഘനാളായി തര്‍ക്കമുണ്ടായിരുന്നതായി പൊലീസ്

സ്വന്തം ലേഖകൻ

കൊല്ലം: കാപ്പാ കേസ് പ്രതിയെ നടുറോഡില്‍ കുത്തിക്കൊന്നു. പുനൂലര്‍ കുന്നിക്കോട് സ്വദേശി റിയാസാണ് കൊല്ലപ്പെട്ടത്. പ്രതി ഷിഹാബ് പൊലീസില്‍ കീഴടങ്ങി.ഇറച്ചിക്കട ലേലത്തെ ചൊല്ലിയുള്ള തര്‍ക്കമാണ് കൊലപാതകത്തിൽ കലാശിച്ചതെന്ന് പോലീസ് പറഞ്ഞു.

ഇന്നലെ രാത്രി 11 മണിയോടെയാണ് സംഭവം. ഇരുവരും തമ്മില്‍ ദീര്‍ഘനാളായി തര്‍ക്കമുണ്ടായിരുന്നു.റോഡിലൂടെ നടന്ന് പോവുകയായിരുന്നു റിയാസിനെ ഷിഹാബ് കുത്തുകയായിരുന്നു. റിയാസിന്‍റെ വയറ്റില്‍ നിരവധി തവണ ഷിഹാബ് കുത്തി.

ഗുരുതരമായി പരിക്കേറ്റ റിയാസിനെ പുനലൂര്‍ താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളേജിലും പ്രവേശിപ്പിച്ചെങ്കിലും ഇന്ന് രാവിലെയോടെ മരിച്ചു.

റിയാസിനെതിരെ മുന്‍പ് ഷിഹാബ് പൊലീസില്‍ പരാതി നല്‍കുകയും തനിക്ക് സംരക്ഷണം വേണമെന്ന് ആവശ്യപ്പെടുകയും ചെയ്തിരുന്നു.