10 മിനിട്ട്, മൂന്ന് ഡോസ് വാക്സിൻ: വിരൂപയായി യുവതി; താടിയെല്ല് ദുർബലമായി. ഛർദി, ഭാഗികമായ അന്ധത, മുഖവും കണ്‍പോളകളും നീര് വന്ന് തടിക്കുകയും മുഖത്തും കഴുത്തിലും ചുവന്ന പാടുകള്‍ ഉണ്ടാവുകയും ചെയ്തു; ജീവൻ നിലനിര്‍ത്താൻ പോരാട്ടം
കാലിഫോർണിയ: യുവതിയുടെ നടുക്കുന്നൊരു വീഡിയോയാണ് സോഷ്യല്‍ മീഡിയയില്‍ ഏവരെയും ഞെട്ടിപ്പിക്കുന്നത്. വാക്സിൻ സ്വീകരിച്ചതിന് പിന്നാലെ വിരൂപയായി മാറിയ യുവതി ജീവൻ നിലനിർത്താൻ മല്ലിടുന്നതാണ് വീഡിയോ.
ഫ്ലോറിഡ സ്വദേശിയായ അലക്സിസ് ലോറൻസെയാണ് മൂന്ന് വാക്സിനുകള്‍ മിനിട്ടുകളുടെ വ്യത്യാസത്തില്‍ സ്വീകരിച്ച്‌ പാർശ്വഫലത്തെ തുടർന്ന് വിരുപയായത്. കാലിഫോർ‌ണിയയിലെ യുസിഐ മെഡിക്കല്‍ സെൻ്ററില്‍ നിന്ന് വാക്സിൻ സ്വീകരിച്ചിതിന് പിന്നാലെയാണ് ഈ ഗതിയുണ്ടായതെന്ന് 23-കാരി പറഞ്ഞു.
പാരോക്സിസ്മല്‍ നോക്‌ടേണല്‍ ഹീമോഗ്ലോബിനൂറിയ (പിഎൻഎച്ച്‌) രോഗം ബാധിച്ചപ്പോഴാണ് ഇവർ ചികിത്സ തേടിയതെന്നാണ് സൂചന. ടെറ്റനസ്, ന്യൂമോകോക്കല്‍, മെനിഞ്ചൈറ്റിസ് വാക്സിനുകള്‍ എന്നിവയാണ് ഒറ്റത്തവണയായി ഇവർ സ്വീകരിച്ചത്. 10 മിനിട്ടിനുള്ളില്‍ ഇവരുടെ ആരോഗ്യനില വഷളായി.
Whatsapp Group 1 | Whatsapp Group 2 |Telegram Group
താടിയെല്ല് ദുർബലമായി. ഛർദി, ഭാഗികമായ അന്ധത, മുഖവും കണ്‍പോളകളും നീര് വന്ന് തടിക്കുകയും മുഖത്തും കഴുത്തിലും ചുവന്ന പാടുകള്‍ ഉണ്ടാവുകയും ചെയ്തു.
ആശുപത്രിക്കെതിരെ ആരോപണം ഉന്നയിച്ച യുവതി
.ബോധവത്കരണത്തിനും ചികിത്സയ്‌ക്ക് പണം സ്വരൂപിക്കുന്നതിനും വേണ്ടിയാണ് വീഡിയോ പങ്കുവച്ചത്. അലക്സിസ് ലോറൻസിക്ക് ആരോഗ്യ ഇൻഷുറൻസ് ഇല്ലാത്തതിനാല്‍ ലോസ് ഏഞ്ചല്‍സിലെ ഒരു സ്വകാര്യ ആശുപത്രിയിലേക്ക് മാറ്റും.
ആദ്യ ഘട്ടത്തില്‍ ഇവരോട് ചികിത്സയുടെ ഭാഗമായി വാക്സിനുകള്‍ സ്വീകരിക്കാൻ ഡോക്ടർമാർ ആവശ്യപ്പെട്ടുവെങ്കിലും ഇവരതിന് തയാറായില്ല. അതേസമയം യുവതിക്ക് കഴുത്ത് അനക്കാൻ സാധിക്കാത്ത അവസ്ഥയിലാണ്. കണ്ണുകള്‍ക്ക് ചൊറിച്ചിലും ചൂടും അനുഭവപ്പെടുന്നുണ്ടെന്നും അലക്സിസ് വ്യക്തമാക്കി.
