മുണ്ടക്കയത്ത് പുറംപോക്ക് ഭൂമി ഒഴിപ്പിക്കലുമായി ബന്ധപ്പെട്ട് സംഘർഷം; പ്രതിഷേധക്കാരെ പൊലീസെത്തി ഒഴിപ്പിച്ചു

സ്വന്തം ലേഖകൻ

മുണ്ടക്കയം: മുണ്ടക്കയത്ത് പുറംപോക്ക് ഭൂമി ഒഴിപ്പിക്കലുമായി ബന്ധപ്പെട്ട് സംഘർഷം. നാളുകളായി പ്രശ്നം നിലനിന്നിരുന്ന വെള്ളനാടി മുറികല്ലുംപുറത്ത് പുറമ്പോക്ക് ഭൂമിയിലാണ് സംഘർഷം ഉണ്ടായത്. സ്ഥലം അളക്കുന്നതുമായി ബന്ധപ്പെട്ട അഭിപ്രായ ഭിന്നതയാണ് സംഘർഷത്തിലേക്ക് വഴിമാറിയത്.

മുമ്പ് ഇവിടെ സ്ഥലം അളക്കാൻ എത്തിയ ഉദ്യോ​ഗസ്ഥരെ ആളുകൾ തടഞ്ഞിരുന്നു. അളക്കുന്നതുമായി ബന്ധപ്പെട്ട് സമരസമിതിയും കേസിൽ കക്ഷിചേർന്നിരുന്നു. എന്നാൽ കഴിഞ്ഞ ദിവസങ്ങളിൽ സർവ്വേ നടപടികൾ നടത്തുമെന്ന് കാണിച്ച് റവന്യൂവകുപ്പ് അധികൃതർ പ്രദേശവാസികൾക്ക് നോട്ടീസ് നൽകിയിരുന്നു. ഇതേ തുടർന്ന് ഉദ്യോ​ഗസ്ഥർ ഭൂമി അളക്കാൻ എത്തിയതാണ് സംഘർഷത്തിന് വഴിയൊരുക്കിയത്. സമരക്കാരെ പോലിസ് അറസ്റ്റ് ചെയ്ത് നീക്കുന്നതായാണ് വിവരങ്ങൾ.