മൂലവട്ടം കുറ്റിക്കാട് പ്രദേശത്ത് കനത്ത കാറ്റും മഴയും: മറിയപ്പള്ളിയിലും നാട്ടകത്തും മൂലേടത്തും അടക്കം വിവിധ പ്രദേശങ്ങളിൽ വൈദ്യുതിയും മുടങ്ങി; മഴയും കാറ്റും നാടിനെ വിറപ്പിക്കുന്നു

തേർഡ് ഐ ബ്യൂറോ

കോട്ടയം: മൂലവട്ടം കുറ്റിക്കാട് പ്രദേശത്ത് കനത്ത കാറ്റിലും മഴയിലും കനത്ത നാശം. മരങ്ങൾ തകർന്നു വീണ്് പലയിടത്തും വൈദ്യുതി മുടങ്ങി. മൂലവട്ടം മുപ്പായിക്കാട്, കുറ്റിക്കാട് ക്ഷേത്രം പ്രദേശത്ത് മരങ്ങൾ കടപുഴകി വീണിട്ടുണ്ട്. ഇതേ തുടർന്ന് ഈ പ്രദേശങ്ങളിൽ എല്ലാം വൈദ്യുതി വിതരണം തടസപ്പെട്ടു.

വെള്ളിയാഴ്ച വൈകിട്ട് ആറു മണിയോടെയുണ്ടായ കനത്ത മഴയിലും കാറ്റിലുമാണ് മൂലവട്ടം പ്രദേശത്ത് മരങ്ങൾ കടപുഴകി വീണത്. കുറ്റിക്കാട് ക്ഷേത്രം പ്രദേശത്ത് നിരവധി മരങ്ങളാണ് വൈദ്യുത ലൈനിലേയ്ക്ക് അടക്കം മറിഞ്ഞു വീണത്.

മണിപ്പുഴ, മൂലേടം, കുറ്റിക്കാട് പ്രദേശങ്ങളിൽ എല്ലാം സമാന രീതിയിൽ മരങ്ങൾ ഒടിഞ്ഞു വീണിട്ടുണ്ട്. ഇതേ തുടർന്നാണ് പോസ്റ്റുകളും വൈദ്യുതി ലൈനുകളിലും തകരാറുണ്ടായിരിക്കുന്നത്. ഈ സാഹചര്യത്തിൽ വൈദ്യുതി തകരാർ പരിഹരിക്കുന്നതിനായി കെ.എസ്.ഇ.ബി അധികൃതർ ജോലികൾ ആരംഭിച്ചിട്ടുണ്ട്.

കനത്ത മഴ തുടരുന്നത് ജോലികളെ സാരമായി ബാധിച്ചിട്ടുണ്ട്. ഉള്ള പരമാവധി ജീവനക്കാരെ ഉപയോഗിച്ചാണ് ഇപ്പോൾ അധികൃതർ രക്ഷാ പ്രവർത്തനം നടത്തുന്നത്.