നിയമസഭാ സംഘര്‍ഷം; അനുമതിയില്ലാതെ ദൃശ്യം പകര്‍ത്തിയതിന് എംഎല്‍എമാരുടെ പിഎമാര്‍ക്ക് കാരണം കാണിക്കല്‍ നോട്ടീസ്; കാരണം ബോധിപ്പിച്ചില്ലെങ്കില്‍ അച്ചടക്ക നടപടി സ്വീകരിക്കുമെന്ന് സ്പീക്കർ

സ്വന്തം ലേഖിക

തിരുവനന്തപുരം: നിയമസഭ സംഘര്‍ഷവുമായി ബന്ധപ്പെട്ട് അനുമതി ഇല്ലാതെ ദൃശ്യം പകര്‍ത്തിയതിന് എംഎല്‍എമാരുടെ പിഎമാര്‍ക്ക് കാരണം കാണിക്കല്‍ നോട്ടീസ്.

കാരണം ബോധിപ്പിച്ചില്ലെങ്കില്‍ അച്ചടക്ക നടപടി സ്വീകരിക്കുമെന്നും സ്പീക്കറുടെ ഓഫീസ് നോട്ടീസില്‍ വ്യക്തമാക്കി.

എം വിന്‍സെന്റ്, ടി സിദ്ദിഖ്, കെ കെ രമ, എം കെ മുനീര്‍, എ പി അനില്‍കുമാര്‍, പി കെ ബഷീര്‍, ആബിദ് ഹുസൈന്‍ തങ്ങള്‍ എന്നീ എംഎല്‍എമാരുടെ പിഎമാര്‍ക്കാണ് സ്പീക്കറുടെ ഓഫീസ് നോട്ടീസ് അയച്ചിരിക്കുന്നത്.

അതീവ സുരക്ഷ മേഖലയില്‍ നിന്ന് ദൃശ്യം പകര്‍ത്തിയത് ചട്ട വിരുദ്ധമാണെന്നാണ് നോട്ടീസില്‍ പറയുന്നത്.