മുഖ്യമന്ത്രി വളരെ മോശമാണെന്ന് ചിത്രീകരിക്കാനുള്ള ബോധപൂർവ്വമായ ശ്രമം, കൃത്യമായ രാഷ്ട്രീയ ലക്ഷ്യത്തോടെയാണ് അക്രമം, തൃശ്ശൂരിൽ വോട്ട് മറിച്ചതിന് കോൺഗ്രസ്സ് മറുപടി പറയണം, കെ പി സി സി നിശ്ചയിച്ച അന്വേഷണ കമ്മീഷൻ റിസൾട്ട് പുറത്ത് വിടണമെന്നും മന്ത്രി മുഹമ്മദ് റിയാസ്

തിരുവനന്തപുരം: കേരളത്തിലെ മുഖ്യമന്ത്രി വളരെ മോശമാണെന്ന് ചിത്രീകരിക്കാനുള്ള ബോധപൂർവ്വമായ ശ്രമമാണ് നടക്കുന്നത്.

കൃത്യമായ രാഷ്ട്രീയ ലക്ഷ്യത്തോടെയാണ് ഈ അക്രമമെന്ന് മനസ്സിലാക്കുന്നുവെന്ന് മന്ത്രി മുഹമ്മദ് റിയാസ്.

ഉദ്യോഗസ്ഥർ എവിടെ കൂടി എന്ത് നടത്തി എന്നുള്ളതൊക്കെ അവർ നടത്തിക്കോട്ടെ. അത് ബന്ധപ്പെട്ട സ്ഥലത്ത് അവര് പറയും. അത് ഞങ്ങൾക്ക് പ്രശ്നമല്ല അത് അവരുടെ നിലപാടാണ്.

തൃശ്ശൂരിൽ കോൺഗ്രസുകാർ എത്ര വോട്ട് മറിച്ചു എന്നുള്ള കണക്ക് ആദ്യം പുറത്തുവിടട്ടെ.

വോട്ട് മറിച്ചതിന് കോൺഗ്രസ്സ് മറുപടി പറയണമെന്നും കെ പി സി സി നിശ്ചയിച്ച അന്വേഷണ കമ്മീഷൻ റിസൾട്ട് പുറത്ത് വിടണമെന്നും മന്ത്രി പറഞ്ഞു.