കൂവളത്തിന്റെ ഇല നുള്ളാന്‍ മരത്തില്‍ കയറിയ വയോധികന്‍ മരത്തിനു മുകളില്‍ വച്ചു മരിച്ചു

സ്വന്തം ലേഖിക

കൊച്ചി :കൂവളത്തിന്റെ ഇല നുള്ളാന്‍ മരത്തില്‍ കയറിയ വയോധികന്‍ മരത്തിനു മുകളില്‍ വച്ചു മരിച്ചു. ഏലൂര്‍ തെക്കുംഭാഗം ബാലസുബ്രഹ്‌മണ്യന്‍ (70) ആണ് മരിച്ചത്.എറണാകുളം ഏലൂര്‍ ഇലഞ്ഞിക്കല്‍ ക്ഷേത്രപരിസരത്താണു സംഭവം.

ക്ഷേത്രത്തിലേക്കുള്ള മാലകള്‍ കെട്ടുന്ന ബാലസുബ്രഹ്‌മണ്യന്‍ രാവിലെ മരത്തില്‍ കയറിയപ്പോള്‍ ക്ഷീണിതനാവുകയായിരുന്നു.

ക്ഷേത്ര ഭാരവാഹികള്‍ വിവരം ഫയര്‍ഫോഴ്സിനെ അറിയിച്ചു. ഫയര്‍ഫോഴ്‌സെത്തി ബാലനെ താഴെയിറക്കി അടുത്തുള്ള സ്വകാര്യ ആശുപത്രിയിലെത്തിചെങ്കിലും ജീവൻ രക്ഷിക്കാനായില്ല.