മേഘാലയ പൊലീസിന്റെ കസ്റ്റഡിയില്‍ നിന്നും ചാടി പോന്ന പ്രതി പെരുമ്പാവൂരിൽ അറസ്റ്റില്‍

പെരുമ്പാവൂർ : മേഘാലയ പൊലീസിന്റെ കസ്റ്റഡിയില്‍ നിന്നും ചാടി പോന്ന പ്രതി പെരുമ്പാവൂരിൽ അറസ്റ്റില്‍.

പെരുമ്പാവൂർ കൊച്ചങ്ങാടിയിലെ പ്ലൈവുഡ് കമ്ബനിയില്‍ നിന്നാണ് ആസാം ഡിബ്രിഗഡ് സ്വദേശി രഞ്ജൻ ബോർഗോഹൈൻ അറസ്റ്റിലായത്.

മേഘാലയയിലെ ഭക്ഷ്യ സംസ്കരണ സ്ഥാപനത്തില്‍ നിന്ന് മോഷണം നടത്തിയതിനാണ് മേഘാലയ പൊലീസ് ഇയാളെ അറസ്റ്റ് ചെയ്തത്.

പൊലീസ് കസ്റ്റഡിയില്‍ നിന്ന് ചാടിപ്പോന്ന ശേഷമാണ് ഇയാള്‍ പെരുമ്ബാവൂരില്‍ തൊഴിലാളിയായി ഒളിവില്‍ കഴിഞ്ഞത്. പ്രതി പിടിയിലായതറിഞ്ഞ് മേഘാലയ പൊലീസ് കൊച്ചിയിലെത്തി മറ്റ് നടപടിക്രമങ്ങള്‍ പൂർത്തീകരിച്ചു.