ആള് തീര്‍ന്ന് കാണുമെന്ന് കണ്ട്‌നിന്നവര്‍; പോറല്‍ പോലും ഏല്‍ക്കാതെ ഡ്രൈവിംഗ് സീറ്റില്‍ നിന്നും ഡോക്ടര്‍ പുറത്തിറങ്ങി; തലകീഴായ് മറിഞ്ഞ കാറില്‍ നിന്നും അത്ഭുതകരമായി രക്ഷപ്പെട്ടത് കോട്ടയം മെഡിക്കല്‍ കോളേജ് പ്രൊഫസര്‍
സ്വന്തം ലേഖകന്‍
കോട്ടയം: നിയന്ത്രണം നഷ്ടപ്പെട്ട് തലകീഴായി മറിഞ്ഞ കാറില്‍ നിന്നും മെഡിക്കല്‍ കോളേജ് പ്രൊഫസര്‍ അത്ഭുകരമായി രക്ഷപ്പെട്ടു. മെഡിക്കല്‍ കോളേജ് പ്രഫ. ഡോ. ബാലകൃഷ്ണനാണ് നാടിനെ നടുക്കിയ അപകടത്തില്‍ നിന്നും ഒരു പോറല്‍ പോലും ഏല്‍ക്കാതെ രക്ഷപ്പെട്ടത്.
ഇന്ന് ഉച്ചയോടെയാണ് സംഭവം. മെഡിക്കല്‍ കോളേജ്- യൂണിവേഴ്‌സിറ്റി റൂട്ടില്‍ യാത്ര ചെയ്യവേ യൂണിവേഴ്‌സിറ്റിക്ക് സമീപമുള്ള മസ്ജിദിനടുത്ത് വച്ച് പൊടുന്നനെ കാറിന്റെ നിയന്ത്രണം നഷ്ടപ്പെടുകയായിരുന്നു. തലകീഴായി മറിഞ്ഞ കാര്‍ റോഡിന് സമീപമുള്ള മതിലിനടുത്തേക്ക് തെറിച്ചു പോയി.
Whatsapp Group 1 | Whatsapp Group 2 |Telegram Group
സമീപവാസികള്‍ ഓടിക്കൂടിയപ്പോഴേക്കും ഡോ ബാലകൃഷ്ണന്‍ ഒരു പോറല്‍ പോലും ഏല്‍ക്കാതെ ഡ്രൈവിംഗ് സീറ്റില്‍ നിന്നും പുറത്തിറങ്ങുന്ന കാഴ്ചയാണ് കണ്ടത്. മെഡിക്കല്‍ പരിശോധനയ്ക്ക് വിധേയനായ ഇദ്ദേഹത്തിന്റെ ആരോഗ്യനില തൃപ്തികരമാണ്. റിക്കവറി വാഹനം ഉപയോഗിച്ച് കാര്‍ അപകടസ്ഥലത്ത് നിന്നും മാറ്റി.
