എം.സി റോഡിൽ പള്ളത്ത് വാഹനാപകടം: നിയന്ത്രണം വിട്ട കാറുകൾ കൂട്ടിയിടിച്ചു; പിഞ്ചു കുഞ്ഞിന് പരിക്കേറ്റു; ഇന്നോവ തലകീഴായി മറിഞ്ഞിട്ടും യാത്രക്കാർ രക്ഷപെട്ടു

സ്വന്തം ലേഖകൻ

കോട്ടയം: എം.സി റോഡിൽ പള്ളത്ത് വാഹനാപകടം. നിയന്ത്രണം വിട്ട കാറുകൾ കൂട്ടിയിടിച്ച് പിഞ്ചു കുഞ്ഞിന് പരിക്കേറ്റു. വ്യാഴാഴ്ച വൈകിട്ട് അഞ്ചു മണിയോടെ പള്ളം വൈദ്യുതി വകുപ്പ് ഓഫിസിനു മുന്നിലായിരുന്നു സംഭവം.

ഇടുക്കി മാങ്കുളം സ്വദേശികളായ ഏഴംഗ സംഘമാണ് ഇന്നോവയിലുണ്ടായിരുന്നത്. ഇവർ കോട്ടയം ഭാഗത്തേയ്ക്കു വരികയായിരുന്നു. ഈ സമയം പുഞ്ച സെക്ഷൻ ഓഫിസിൽ നിന്നും പുറത്തേയ്ക്കു വന്ന കാർ, ഇന്നോവയിൽ ഇടിച്ചു.

ഇടിയുടെ ആഘാതത്തിൽ റോഡിൽ നിന്നും തെറിച്ചു വീണ ഇന്നോവ വട്ടം കറങ്ങി തലകീഴായി മറിഞ്ഞു. ഓടിക്കൂടിയ നാട്ടുകാർ ചേർന്നാണ് വാഹനത്തിലുണ്ടായിരുന്നവരെ പുറത്തെടുത്തത്. തുടർന്നു, ഇവരെ ആശുപത്രിയിലേയ്ക്കു മാറ്റി. ആരുടെയും പരിക്ക് ഗുരതരമല്ല.