കൊച്ചി: എറണാകുളം മലയിടം തുരുത്തില് ദളിത് കുടുംബങ്ങള്ക്കെതിരായ പൊലീസ് നടപടിയില് കേസെടുത്ത് പൊലീസ്.
സിപിഎം നേതാക്കളും മേഖലയിലെ താമസക്കാരുമായ ദളിത് കുടുംബാംഗങ്ങളും അടക്കം 50 പേർക്കെതിരെ പൊലീസ് കേസെടുത്തു.
അന്യായമായ സംഘം ചേരല്, ഔദ്യോഗിക കൃത്യനിർവഹണം തടസ്സപ്പെടുത്തല് തുടങ്ങിയ വകുപ്പുകള് ചുമത്തിയാണ് തടിയിട്ടപറമ്പ് പൊലീസ് കേസെടുത്തത്.
ഇന്നലെ ആഭ്യന്തര മന്ത്രിയുടെ നിർദ്ദേശപ്രകാരമാണ് പൊലീസ് ഒഴിപ്പിക്കല് നടപടികള് നിർത്തിവച്ചത്. ഇതിന് പിന്നാലെയാണ് കേസ്.
Whatsapp Group 1 | Whatsapp Group 2 |Telegram Group
അതേസമയം, എറണാകുളം മലയിടം തുരുത്തില് ദളിത് കുടുംബങ്ങള്ക്ക് നേരെയുണ്ടായ പൊലീസ് അതിക്രമത്തെ രാഷ്ട്രീയ വിഷയമായി ഉയർത്താനൊരുങ്ങുകയാണ് സിപിഎം. സംസ്ഥാന സെക്രട്ടറിയേറ്റ് അംഗം പി രാജീവ് ഉള്പ്പെടെയുള്ള നേതാക്കള് പങ്കെടുക്കുന്ന പ്രതിഷേധ പരിപാടി ഇന്ന് മലയം തുരുത്തില് നടക്കും.
ബലപ്രയോഗം പാടില്ലെന്ന നിർദേശമുണ്ടായിട്ടും എന്തുകൊണ്ട് പൊലീസ് നടപടിയുണ്ടായെന്ന കാര്യത്തില് എറണാകുളം റേഞ്ച് ഐജിക്ക് ആലുവ റൂറല് എസ് പി ഇന്ന് റിപ്പോർട്ട് നല്കും.
