video
play-sharp-fill

സംസ്ഥാനത്ത് ഇന്ന് മുതല്‍ തെരഞ്ഞെടുപ്പ് പൂര്‍ത്തിയാകും വരെ മദ്യനിരോധനം; സ്വകാര്യ ക്ലബുകള്‍ക്കും സ്റ്റാര്‍ ഹോട്ടലുകള്‍ക്കും ഉള്‍പ്പെടെ ബാധകം; വോട്ടെണ്ണല്‍ ദിവസമായ മെയ് രണ്ടിനും നിരോധനം ഉണ്ടാകും

സംസ്ഥാനത്ത് ഇന്ന് മുതല്‍ തെരഞ്ഞെടുപ്പ് പൂര്‍ത്തിയാകും വരെ മദ്യനിരോധനം; സ്വകാര്യ ക്ലബുകള്‍ക്കും സ്റ്റാര്‍ ഹോട്ടലുകള്‍ക്കും ഉള്‍പ്പെടെ ബാധകം; വോട്ടെണ്ണല്‍ ദിവസമായ മെയ് രണ്ടിനും നിരോധനം ഉണ്ടാകും

Spread the love

സ്വന്തം ലേഖകന്‍

തിരുവനന്തപുരം: സംസ്ഥാനത്ത് ഇന്ന് മുതല്‍ മദ്യനിരോധനം. വോട്ടെടുപ്പ് പൂര്‍ത്തിയാകുന്നതിന് 48 മണിക്കൂര്‍ മുന്‍പ് മുതല്‍ സംസ്ഥാനമൊട്ടാകെ തിരഞ്ഞെടുപ്പ് കമ്മീഷനാണ് മദ്യ നിരോധനം ഏര്‍പ്പെടുത്തിയത്. മദ്യവില്‍പ്പനശാല, ഹോട്ടല്‍, ക്ലബ് തുടങ്ങിയ പൊതു ഭക്ഷണശാലകളില്‍ നിരോധന കാലയളവില്‍ ലഹരി പാനീയങ്ങള്‍ വില്‍ക്കുകയോ ഉപയോഗിക്കുകയോ ചെയ്യരുത്. നിരോധനം സ്വകാര്യ ക്ലബുകള്‍ക്കും സ്റ്റാര്‍ ഹോട്ടലുകള്‍ക്കും ബാധകമാണ്.

സുഗമവും സമാധാനപരവുമായി നിയമസഭാ തിരഞ്ഞെടുപ്പ് ഉറപ്പാക്കുന്നതിന് ജനപ്രാതിനിധ്യ നിയമം 1951 വകുപ്പ് 135 സി പ്രകാരമാണ് നിരോധനം ഏര്‍പ്പെടുത്തിയിട്ടുള്ളത്. വ്യക്തികള്‍ക്ക് ലൈസന്‍സില്ലാതെ മദ്യം സൂക്ഷിക്കുന്നതിനുള്ള എക്‌സൈസിന്റെ ഇളവും നിരോധന കാലയളവില്‍ ഒഴിവാക്കാനും കര്‍ശനമായി നിരീക്ഷിക്കുവാനും മുന്‍കരുതലെടുക്കാനും കമ്മീഷന്റെ കത്തിനെത്തുടര്‍ന്ന് സര്‍ക്കാര്‍ എക്‌സൈസ്, പോലീസ് മേധാവികള്‍ക്ക് നിര്‍ദ്ദേശം നല്‍കി.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

ഏതെങ്കിലും മണ്ഡലങ്ങളില്‍ വീണ്ടും വോട്ടെടുപ്പിന്റെ സാഹചര്യമുണ്ടായാല്‍ നിരോധന കാലയളവും നീളും. വോട്ടെണ്ണല്‍ ദിവസമായ മെയ് രണ്ടിനും നിരോധനം ഉണ്ടാകും.

Tags :