പര്‍ദ്ദ ധരിച്ച്‌ സ്ത്രീകളുടെ ശുചി മുറിയില്‍ കയറി; പിന്നാലെ മൊബൈലില്‍ സ്ത്രീകളുടെ ദൃശ്യം പകര്‍ത്താന്‍ ശ്രമം; ഐടി ജീവനക്കാരന്‍ പിടിയില്‍

സ്വന്തം ലേഖകൻ

കൊച്ചി: ഇടപ്പള്ളിയിലെ മാളില്‍ സ്ത്രീകളുടെ ശുചി മുറിയില്‍ മൊബൈല്‍ ഫോണ്‍ വച്ച്‌ വീഡിയോ പകര്‍ത്താൻ ശ്രമിച്ച യുവാവ് അറസ്റ്റില്‍.

കൊച്ചി ഇന്‍ഫോപാര്‍ക്കിലെ ഐ ടി ജീവനക്കാരനും കണ്ണൂര്‍ കരുവള്ളൂര്‍ സ്വദേശിയുമായ അഭിമന്യുവാണ് പിടിയിലായത്.

കളമശേരി പൊലീസാണ് ഇയാളെ അറസ്റ്റ് ചെയ്തത്. പര്‍ദ്ദ ധരിച്ചാണ് ഇയാള്‍ മാളിലെ സ്ത്രീകളുടെ ശുചി മുറിയില്‍ കയറിയത്.

ചെറിയ ദ്വാരം ഉണ്ടാക്കി ഒരു കാര്‍ഡ് ബോര്‍ഡ് പെട്ടിക്കുള്ളില്‍ മൊബൈല്‍ ഫോണ്‍ വെച്ചതിനു ശേഷം വാതിലിനോട് ചേര്‍ത്ത് ഒട്ടിച്ചു വെക്കുകയായിരുന്നു.