സ്വന്തം ലേഖിക
തിരുവനന്തപുരം :വെള്ളപ്പൊക്കം നേരിടാന് കുട്ടനാടിന് 140 കോടി രൂപ നീക്കിവെച്ചതായി ധനമന്ത്രി കെ.എന്.ബാലഗോപാല് ബജറ്റില് അറിയിച്ചു.
എല്ലാ വര്ഷവും വെള്ളപ്പൊക്ക കെടുതി നേരിടുന്ന കുട്ടനാടിന് ബജറ്റില് പ്രത്യേക പരിഗണന നല്കും. കുട്ടനാട്ടില് നെല്കൃഷി ഉല്പ്പാദനം കൂട്ടാന് 58 കോടി രൂപ വകയിരുത്തി. കാര്ഷിക മേഖലയ്ക്ക് 851 കോടി രൂപ നീക്കിവെച്ചതായി ധനമന്ത്രി വ്യക്തമാക്കി.
Whatsapp Group 1 | Whatsapp Group 2 |Telegram Group
കണ്ണൂരിലും കൊല്ലത്തും പുതിയ ഐടി പാര്ക്കുകള് സ്ഥാപിക്കും. ഐടി പാര്ക്കുകള്ക്ക് ഭൂമി ഏറ്റെടുക്കാന് 1000 കോടി രൂപ നീക്കിവെയ്ക്കുമെന്നും ബാലഗോപാല് പറഞ്ഞു. കൊല്ലത്ത് 5 ലക്ഷം ചതുരശ്ര അടിയിലാണ് ഐടി പാര്ക്ക് വരിക.
ഐടി ഇടനാഴി വിപുലീകരിക്കും. എന്എച്ച് 66ന് സമാന്തരമായി നാലു ഐടി ഇടനാഴികള് സ്ഥാപിക്കും. നാലു സയന്സ് പാര്ക്കുകള് സ്ഥാപിക്കും. ആയിരം കോടി രൂപ ചെലവിലാണ് സയന്സ് പാര്ക്കുകള് സ്ഥാപിക്കുകയെന്നും മന്ത്രി വ്യക്തമാക്കി.
