ഇരുചക്ര വാഹനക്കാർക്ക് ഈ വഴിയുള്ള യാത്ര ഞാണിന്മേൽ കളി ; അപകട വഴിയായി മാറി കൂരോപ്പട കുന്നേൽപടി -മൂത്തേടത് അമ്പലകവല റോഡ്

സ്വന്തം ലേഖകൻ

കൂരോപ്പട : പഞ്ചായത്തിലെ കുന്നേൽപടി -മൂത്തേടത് അമ്പലകവല റോഡ് അപകടവഴിയായി മാറിയിരിക്കുന്നു.വഴി പൂർണ്ണമായും പൊട്ടി പൊളിഞ്ഞ് നാശമായിരിക്കുകയാണ്. ഇതുവഴിയുള്ള കാൽനട യാത്ര അസാധ്യമാണെന്നാണ് നാട്ടുകാർ പറയുന്നത്.

ഇരുചക്ര വാഹനക്കാർക്ക് ഇതിലെയുള്ള യാത്ര ഒരു ഞാണിന്മേൽ കളിയാണ് . ഏകദേശം രണ്ട് വർഷത്തോളമായി ഈ വഴിയുടെ അവസ്ഥ ഇതേ രീതിയിലാണ്.

മഴക്കാലം എത്തിയതോടെ വഴി കൂടുതൽ അപകടവസ്ഥയിൽ എത്തിയിരിക്കുന്നതായും എന്തെങ്കിലും അത്യാഹിതം സംഭവിക്കുന്നതിനു മുമ്പ് വഴിയുടെ ശോചനിയാവസ്ഥ മാറ്റി സഞ്ചാരയോഗ്യമാക്കണമെന്നാണ് നാട്ടുകാരുടെ ആവശ്യം.