സ്വന്തം ലേഖിക
മലപ്പുറം: അരീക്കോട് കുനിയില് ഇരട്ടക്കൊലക്കേസില് പ്രതികളായ പന്ത്രണ്ട് പ്രതികള്ക്ക് ഇരട്ട ജീവപര്യന്തം ശിക്ഷ വിധിച്ച് കോടതി.
അൻപതിനായിരം രൂപ വീതം പിഴയും ഒടുക്കണം. കേസില് ഒന്നു മുതല് 11 വരെയുള്ള പ്രതികളും 18 ആം പ്രതിയും കുറ്റക്കാരാണെന്ന് നേരത്തെ കോടതി കണ്ടെത്തിയിരുന്നു.
Whatsapp Group 1 | Whatsapp Group 2 |Telegram Group
മഞ്ചേരി മൂന്നാം അഡീഷനല് ജില്ല സെഷന്സ് കോടതിയാണ് വിധി പറഞ്ഞത്. അരീക്കോട് കുനിയില് കൊളക്കാടന് അബൂബക്കര്, സഹോദരന് അബ്ദുല് കലാം ആസാദ് എന്നിവരെ മുഖംമൂടി ധരിച്ചെത്തിയ സംഘം നടുറോഡില് വെട്ടിക്കൊലപ്പെടുത്തിയെന്നാണ് കേസ്.
2012 ജൂണ് 10 നായിരുന്നു കേസിനാസ്പദമായ സംഭവം. 2012 ജനുവരിയില് കുനിയില് കുറുവാങ്ങാടന് അത്തീഖ് റഹ്മാന് കൊല്ലപ്പെട്ടതിന്റെ പ്രതികാരമായി ഇരട്ടക്കൊല നടത്തിയെന്നാണ് കേസ്.
അത്തീഖ് റഹ്മാന് കൊലക്കേസില് പ്രതികളായിരുന്നു പിന്നീട് കൊല്ലപ്പെട്ട ആസാദു അബൂബക്കാരും.
