കോട്ടയം കുമ്മനം ഇളങ്കാവ് ദേവീക്ഷേത്രത്തിൽ പുതിയതായി പണികഴിപ്പിച്ച പ്രദക്ഷിണ വഴിയുടേയും വലിയ നടപ്പന്തലിന്റേയും സമർപ്പണം നടന്നു ; പ്രദക്ഷിണ വഴിയുടേയും നടപ്പന്തലിന്റേയും നിർമ്മാണം നിർവഹിച്ചവർക്ക് ചടങ്ങിൽ കുമ്മനം രാജശേഖരൻ ഉപഹാരം നല്കി

കുമ്മനം: ഇളങ്കാവ് ദേവീക്ഷേത്രത്തിൽ പുതിയതായി പണികഴിപ്പിച്ച പ്രദക്ഷിണ വഴിയുടേയും വലിയ നടപ്പന്തലിന്റേയും സമർപ്പണം തിരുവിതാംകൂർ രാജകുടുംബാംഗം അവിട്ടം തിരുനാൾ ആദിത്യവർമ്മ നിർവ്വഹിച്ചു. ഗജവീരൻ ഭാരത് വിശ്വനാഥൻ പ്രദക്ഷിണ വഴി ഭക്തർക്കായി തുറന്നു കൊടുത്തു.

തുടർന്ന് നടന്ന സമർപ്പണ സഭയിൽ ദേവസ്വം പ്രസിഡണ്ട് സുജിത്ത് S. നായർ , ഭാമാസദനം അദ്യക്ഷനായിരുന്നു. രാജകുടുംബാഗത്തിന് ദേവസ്വത്തിന്റെ വക ഉപഹാരം ദേവസ്വം പ്രസിഡണ്ട് സമ്മാനിച്ചു.

പ്രദക്ഷിണ വഴിയുടേയും നടപ്പന്തലിന്റേയും നിർമ്മാണം നിർവഹിച്ചവർക്ക് ചടങ്ങിൽ കുമ്മനം രാജശേഖരൻ ഉപഹാരം സമ്മാനിച്ചു.

തന്ത്രി സൂര്യകാലടി മന സൂര്യൻ സുബ്രഹ്മണ്യൻ ഭട്ടതിരിപ്പാട് അനുഗ്രഹ പ്രഭാഷണം നടത്തി, ഡോ. വിനോദ്, തിരുവുത്സവ ആഘോഷ സമിതി പ്രസിഡന്റ് മധുസൂദനൻ, കുമ്മനം, സെക്രട്ടറി കുമ്മനം പ്രതാപൻ , ദേവസ്വം സെക്രട്ടറി ഗോപകുമാർ വിജയകുമാർ മറ്റത്തിൽ എന്നിവർ യോഗത്തിൽ പങ്കെടുത്തു.