കുമരകം: കരാട്ടെയിലെ മികച്ച പ്രകടനത്തിനുള്ള അംഗീകാരം വീണ്ടും കുമരകത്തേക്ക്. കരാട്ടെയുടെ ജന്മദേശമായ ജപ്പാനിലെ ഒക്കിനാവയിൽ നിന്നും മാസ്റ്റർ (സെൻസെയ്) പദവി കരസ്ഥമാക്കി കുമരകം സ്വദേശി അജിമോൻ സി.പി നാടിന് അഭിമാനമായി. ഒക്കിനാവ കൈഹോ ജുക്കു ഷിറ്റൊ റിയു കരാട്ടെ
അക്കാഡമിയുടെ തിരുവാർപ്പ്, കുമരകം ബ്രാഞ്ച് ഡയറക്ടറായ അജിമോൻ, ഒക്കിനാവയിൽ നിന്ന് 3 തേർഡ് ഡിഗ്രി സെൻസെയ് പദവിയാണ് നേടിയത്. ചീഫ് ഇൻസ്ട്രെക്ടറും എക്സാമിനറുമായ ഷിഹാൻ അജിത്കുമാറിന്റെ ശിക്ഷണത്തിലാണ് അജിമോൻ ഈ അപൂർവ്വ നേട്ടം കൈവരിച്ചത്. ഇതോടെ ഒക്കിനാവയിൽ നിന്ന് മാസ്റ്റർ പദവി ലഭിക്കുന്ന ആദ്യ കുമരകം സ്വദേശിയായി അദ്ദേഹം മാറി.
കൈഹോ ജുക്കു കരാട്ടെ അക്കാഡമിയുടെ കുമരകം, തിരുവാർപ്പ് ശാഖകളിലൂടെ നിരവധി ചാമ്പ്യന്മാരെ വാർത്തെടുക്കാൻ അജിമോന് സാധിച്ചിട്ടുണ്ട്. ഈ അക്കാഡമിയിൽ പരിശീലനം നേടുന്ന നിരവധി വിദ്യാർത്ഥികൾ ഫെബ്രുവരി 15, 16 തീയതികളിൽ തൃശൂരിൽ വെച്ച് നടക്കുന്ന സ്പോർട്സ് കൗൺസിൽ അംഗീകൃത കരാട്ടെ മത്സരത്തിൽ കോട്ടയം ജില്ലയെ പ്രതിനിധീകരിച്ച് പങ്കെടുക്കുന്നുണ്ട്.
Whatsapp Group 1 | Whatsapp Group 2 |Telegram Group
അന്താരാഷ്ട്ര തലത്തിൽ ശ്രദ്ധേയമായ ഈ നേട്ടം കൈവരിച്ച അജിമോൻ സി.പിക്ക് നാടിന്റെ വിവിധ കോണുകളിൽ നിന്നും അഭിനന്ദനങ്ങൾ പ്രവഹിക്കുകയാണ്.
എസ്കെഎം സ്കൂളിലെ രണ്ട് വിദ്യാർത്ഥികൾക്ക് കഴിഞ്ഞ ദിവസം കരാട്ടെയിൽ അംഗീകാരം ലഭിച്ചിരുന്നു.
