വാദിയായാലും പ്രതിയായാലും കോട്ടയം കുമരകം പോലീസ് സ്റ്റേഷനിൽ കയറണമെങ്കിൽ കാൽ കഴുകണം: സംഭവം എന്താണന്ന് അറിയേണ്ടേ?

സ്വന്തം ലേഖകൻ
കുമരകം : വാദിയായാലും പ്രതിയായാലും കുമരകം പോലീസ് സ്റ്റേഷനിൽ കയറണമെങ്കിൽ കാൽ കഴുകണം. ഇതാരും പറയണമെന്നില്ല.

കാരണം പോലീസ് സ്റ്റേഷൻ മുറ്റം വെള്ളത്തിലാണ്.
കുമരകത്തെ പോലീസ് ഉദ്യോഗസ്ഥർക്ക് ജോലി ചെയ്യണമെങ്കിൽ സ്റ്റേഷൻ്റെ മുറ്റം നീന്തി കടക്കണം എന്നതാണ്

അവസ്ഥ.ഒറ്റ മഴയ്ക്ക് സ്റ്റേഷനിൽ വെള്ളം കയറുന്ന ദുരവസ്ഥ തുടങ്ങിയിട്ട് നാളേറെയായി.

കുമരകം ചന്തക്കവല – അട്ടിപ്പിടിക റോഡ് ഉയർത്തി ടാർ ചെയ്തതാേടെ സ്റ്റേഷനിൽ നിന്നും മഴ വെള്ളം ഒഴുകി മാറാൻ ചെറിയ ഒരു ഓട മാത്രമാണുള്ളത്.

ഈ ഓടയിൽ ഉണ്ടായിരിക്കുന്ന തടസ്സമാണ് പോലീസ് സ്റ്റേഷനെ വെള്ളത്തിലാക്കിയിരിക്കുന്നത്. ദോഷം

പറയരുതല്ലോ പോലീസുകാർക്ക് കാൽ കഴുകി സ്റ്റേഷനിൽ കയറാൻ അവസരം ഒരുങ്ങിയിരിക്കുകയാണ്.