വീട്ടുകാർ ഉത്സവത്തിന് പോയി: തിരികെ വന്നപ്പോൾ ഇലക്ട്രിക് സ്കൂട്ടർ കാണാതായി: കുമരകം കണ്ണാടിച്ചാൽ ഭാഗത്തു നിന്നാണ് സ്കൂട്ടർ കാണാതായത്.

കുമരകം: ക്ഷേത്രത്തിൽ ഉത്സത്തിനു പോയ സമയത്ത് വീട്ടിലിരുന്ന ഇലക്ട്രിക് സ്കൂട്ടർ കാണാതായി.

കണ്ണാടിച്ചാൽ ഭാഗത്തു നിന്നും ഇന്നലെ രാത്രിയാണ് ഇലക്ട്രിക് സ്കൂട്ടർ കാണാതായത്. കുളങ്ങറതറ ( തൊണ്ണൂറിൽ) വീട്ടിൽ രമേശൻ എന്നയാളുടെ വാഹനമാണ് കാണാതായത്.

ശ്രീകുമാരമംഗലം ക്ഷേത്ര ആറാട്ടിനോട് അനുബന്ധിച്ച് അമ്പലത്തിൽ പോയി തിരികെ വന്ന് നോക്കിയപ്പോഴാണ് വാഹനം നഷ്ടമായത്. കുമരകം പോലീസിൽ പരാതിപ്പെട്ടിട്ടുണ്ട്.

എന്തെങ്കിലും വിവരം ലഭിക്കുന്നവർ താഴെ കാണുന്ന നമ്പറിലോ കുമരകം പോലീസ് സ്റ്റേഷനിലോ അറിയിക്കുക.  9526415939, 7907502441