കുടുംബശ്രീ ദേശീയ സരസ് മേളയിലെത്തുന്നവരെ ഇനി വരവേൽക്കുക ഇരുപതടി ഉയരത്തിലുള്ള കൂറ്റൻ സാന്താക്ലോസ്‌…! ഒറ്റദിവസം കൊണ്ട് മേളയിലെത്തുന്നവരുടെ സെൽഫി പോയിന്റായി സാന്താക്ലോസ്‌

സ്വന്തം ലേഖിക

കോട്ടയം: കുടുംബശ്രീ ദേശീയ സരസ് മേളയിലെത്തുന്നവരെ ഇനി വരവേൽക്കുക ഇരുപതടി ഉയരത്തിലുള്ള കൂറ്റൻ സാന്താക്ലോസ്‌.

കോട്ടയം നാഗമ്പടത്തെ സരസ് വേദിയുടെ കവാടത്തിനു സമീപമാണ് ക്രിസ്മസ് ആഘോഷത്തിന് ഹരംപകർന്ന് സാന്താക്ലോസിനെ സ്ഥാപിച്ചത്. ഒറ്റദിവസം കൊണ്ട് മേളയിലെത്തുന്നവരുടെ സെൽഫി പോയിന്റായി സാന്താക്ലോസ്‌ മാറിക്കഴിഞ്ഞു.

നൈലോൺ തുണിയിൽ കാറ്റു നിറച്ച് ബലൂൺ രൂപത്തിലാണ് സാന്താക്ലോസിനെ നിർമിച്ചിരിക്കുന്നത്. വലിയ എയർ പമ്പ് ഉപയോഗിച്ച് നൽകുന്ന കാറ്റിന്റെ ബലത്തിലാണ് നിൽപ്പ്. കുട്ടികളിലും മുതിർന്നവരിലും കൗതുകമുണർത്തുകയാണ് സാന്താ.