കെ എസ് ആർ ടി സി ബസിൽ കഞ്ചാവ് കടത്താൻ ശ്രമം; ആസാം സ്വദേശികളായ രണ്ടുപേർ അറസ്റ്റിൽ; പാലക്കാട് ​ഗോവിന്ദപുരം ചെക്ക്പോസ്റ്റിൽ എക്സൈസ് സംഘം നടത്തിയ വാഹന പരിശോധനയിലാണ് 1.9 കിലോഗ്രാം കഞ്ചാവ് പിടികൂടിയത്

പാലക്കാട്: കെ എസ് ആർ ടി സി ബസിൽ വൻ തോതിൽ കഞ്ചാവ് കടത്താൻ ശ്രമിച്ചവർ പിടിയിലായി. ഗോവിന്ദാപുരം എക്സൈസ് ചെക്ക്പോസ്റ്റിൽ നടത്തിയ വാഹന പരിശോധനയിലാണ് കെ എസ് ആർ ടി സി ബസിൽ കഞ്ചാവുമായി യാത്ര ചെയ്ത ആസാം സ്വദേശികളായ ചമത് അലി (26) ഇൻസമാമുൾ ഹഖ് (18) എന്നിവരെ പിടിയിലായത്.

ഇവരിൽ നിന്ന് 1.9 കിലോഗ്രാം കഞ്ചാവും പിടികൂടി. എക്സൈസ് ഇൻസ് പെക്ടർ എ ബി പ്രസാദിന്‍റെ നേതൃത്വത്തിലുള്ള പരിശോധനയിലാണ് ക്രിസ്മസ് നവവത്സര സ്പെഷ്യൽ ഡ്രൈവിന്‍റെ ഭാഗമായി ചെക്ക്പോസ്റ്റിൽ വാഹന പരിശോധന ഊർജിതമാക്കിയിരുന്നു. ഈ പരിശോധനയുടെ ഭാഗമായാണ് പ്രതികൾ കെ എസ് ആർ ടി സി ബസിൽ നിന്ന് പിടിയിലായത്.

പരിശോധന സംഘത്തിൽ പ്രിവന്‍റീവ് ഓഫീസർ വി സുദർശനൻ നായർ , സിവിൽ എക്സൈസ് ഓഫീസർമാരായ രാജേഷ് ആർ, അജോയ് എസ് എന്നിവരാണ് ഉണ്ടായിരുന്നത്.