കാറിൽ കെഎസ്ആർടിസി ബസ് ഉരഞ്ഞു; ബസിന്റെ താക്കോൽ ഊരിയെറിഞ്ഞ് യുവാവ്; സംഭവത്തിൽ യുവാവിനെതിരെ ആലുവ പോലീസ് കേസ് എടുത്തു

ആലുവ: ആലുവയിൽ കെഎസ്ആർടിസി ബസ് കാറിൽ ഉരഞ്ഞുവെന്ന് ആരോപിച്ച് ബസിന്റെ താക്കോൽ ഊരിയെടുത്തു യുവാവ്. ഒരാഴ്ച മുൻപ് മാർത്താണ്ഡവർമ്മ പാലത്തിന് സമീപമാണ് സംഭവം നടന്നത്.

ആലുവയിൽ നിന്നും മാളയിലേക്ക് സർവീസ് നടത്തുന്ന ബസിന്റെ താക്കോലാണ് യുവാവ് ഊരിയെറിഞ്ഞത്.

എന്നാൽ, കാർ തെറ്റായ ദിശയിൽ ഓവർടേക്ക് ചെയ്തു വന്നതാണ് അപകട കാരണമെന്നാണ് കെഎസ്ആർടിസി ഡ്രൈവറുടെ ആരോപണം.

സംഭവശേഷം മാപ്പ് പറഞ്ഞു കേസ് ഒത്തുതീർപ്പാക്കാൻ യുവാവ് മാള ഡിപ്പോയിൽ എത്തിയിരുന്നു. പക്ഷേ ജീവനക്കാർ മാപ്പ് നിഷേധിക്കുകയായിരുന്നു. വലിയ മാനസിക സമ്മർദ്ദം ഡ്രൈവർക്ക് ഉണ്ടായി എന്നാണ് ജീവനക്കാർ പറയുന്നത്.

സംഭവത്തിൽ യുവാവിനെതിരെ ആലുവ പൊലീസ് കേസെടുത്തു.