കോട്ടയം: ശാസ്ത്രീറോഡിൽ വീണ്ടും അപകടം. കാറും, ലോറിയും ബൈക്കും കൂട്ടിയിടിച്ച് രണ്ടുപേർക്ക് പരിക്കേറ്റു. വൈകുന്നേരം ആറു മണിയോടെയാണ് അപകടം. കാർ അശ്രദ്ധമായി യൂടേൺ എടുത്തതാണ് അപകട കാരണമെന്ന് ദൃക്സാക്ഷികൾ പറഞ്ഞു.
കാർ കണ്ടതോടെ വേഗതയിലെത്തിയ ലോറി സഡൻ ബ്രേക്കിട്ടുവെങ്കിലും ബൈക്കിൽ ഇടിച്ചു. കാർ യാത്രികനും, ബൈക്ക് യാത്രികനുമാണ് പരിക്കേറ്റത്. ഇരുവരും കോട്ടയം ജില്ലാ ആശുപത്രിയിൽ ചികിത്സ തേടി. അപകടത്തിൽ കാർ ഭാഗികമായി തകർന്നു. അപകടത്തെത്തുടർന്ന് ശാസ്ത്രീറോഡിൽ ഗതാഗതക്കുരുക്ക്.
