കമഴ്ന്നു വീഴാന്‍ ശ്രമിക്കുന്നതിനിടെ കിടക്കയില്‍ മുഖം അമര്‍ന്നു: ലണ്ടനിൽ കോട്ടയം രാമപുരം സ്വദേശികളുടെ പിഞ്ചുകുഞ്ഞിന് ദാരുണാന്ത്യം

സ്വന്തം ലേഖിക

ലണ്ടന്‍: കമഴ്ന്നു വീഴാന്‍ ശ്രമിക്കുന്നതിനിടെ കിടക്കയില്‍ മുഖം അമര്‍ന്ന് പിഞ്ചുകുഞ്ഞിന് ദാരുണാന്ത്യം.

മാഞ്ചസ്റ്ററിലാണ് സംഭവം. മലയാളി ദമ്പതികളുടെ കുഞ്ഞാണ് മരിച്ചത്.

കോട്ടയം ജില്ലയിലെ രാമപുരം സ്വദേശികളായ ജിബിന്‍-ജിനു ദമ്പതികളുടെ മകന്‍ ജെയ്ഡനാണ് മരണപ്പെട്ടത്. മൂന്നര മാസം മാത്രമായിരുന്നു ജെയ്ഡന്റെ പ്രായം.

മാഞ്ചസ്റ്ററിലെ റോച്ച്‌ഡെയ്‌ലിലാണ് ഇവര്‍ താമസിക്കുന്നത്. റോയല്‍ ഓള്‍ഡ്ഹാം ആശുപത്രിയിലെ നഴ്‌സാണ് ജിനു.

കമഴ്ന്നു വീഴാന്‍ ശ്രമിക്കുന്നതിനിടെ കിടക്കയില്‍ മുഖം അമര്‍ന്നു ശ്വാസംമുട്ടിയാണ് കുഞ്ഞിന്റെ മരണം സംഭവിച്ചത്.