കോട്ടയം മുക്കൂട്ടുതറയിൽ പാലം ദിവസങ്ങളായി വെള്ളത്തിനടിയിൽ; വെ​ള്ള​ത്തി​ൽ മു​ങ്ങി​യ കോ​സ്‌​വേ​യി​ലൂടെ രോ​ഗി​ക​ളെ ചു​മ​ന്ന് അ​ക്ക​ര​യെ​ത്തി​ച്ച് നാട്ടുകാർ

മു​ക്കൂ​ട്ടു​ത​റ: ദി​വ​സ​ങ്ങ​ളാ​യി വെ​ള്ള​ത്തി​ന​ടി​യി​ലാ​യ പാ​ല​ത്തി​ലൂ​ടെ നാ​ട്ടു​കാ​ർ രോ​ഗി​ക​ളെ തോ​ളി​ൽ എ​ടു​ത്തു ന​ട​ന്നു മ​റു​ക​ര താ​ണ്ടി ആ​ശു​പ​ത്രി​യി​ൽ എ​ത്തി​ച്ചു. ഇ​ട​ക​ട​ത്തി – അ​റ​യാ​ഞ്ഞി​ലി ​മ​ണ്ണ് കോ‌​സ്‌​വേ പാ​ല​ത്തി​ലാ​ണ് ഇ​ന്ന​ലെ നാ​ട്ടു​കാ​ർ സാ​ഹ​സി​ക ര​ക്ഷാ​യാ​ത്ര ന​ട​ത്തി​യ​ത്.

അ​റ​യാ​ഞ്ഞി​ലി​മ​ണ്ണ് കു​ഴി​ക​ണ്ട​ത്തി​ൽ കു​ഞ്ഞി (70)നെ​യും ഭാ​ര്യ​യെ​യു​മാ​ണ് ആ​ശു​പ​ത്രി​യി​ൽ എ​ത്തി​ക്കാ​ൻ നാ​ട്ടു​കാ​ർ ഏ​റെ പാ​ടു​പെ​ട്ട​ത്. ഇ​രു​വ​രെ​യും മു​ക്കൂ​ട്ടു​ത​റ​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ശ്വാ​സ​ത​ട​സ രോ​ഗ​മു​ള്ള കു​ഞ്ഞ് ദി​വ​സ​ങ്ങ​ളാ​യി അ​വ​ശ​നി​ല​യി​ലാ​യി​രു​ന്നു. പ്രാ​യാ​ധി​ക്യ​വും രോ​ഗ​വും മൂ​ലം ബു​ദ്ധി​മു​ട്ടി​ലാ​യ കു​ഞ്ഞി​നൊ​പ്പം ഭാ​ര്യ​യ്ക്കും ഇ​ന്ന​ലെ അ​സു​ഖം ക​ല​ശ​ലാ​യി.പാ​ല​ത്തി​ൽ​നി​ന്നു വെ​ള്ളം ഇ​റ​ങ്ങു​ന്പോ​ൾ വാ​ഹ​ന​ത്തി​ൽ അ​ക്ക​രെ എ​ത്തി​ച്ച് ആ​ശു​പ​ത്രി​യി​ലാ​ക്കാ​ൻ കാ​ത്തി​രി​ക്കു​ക​യാ​യി​രു​ന്നു ബ​ന്ധു​ക്ക​ളും നാ​ട്ടു​കാ​രും.

എ​ന്നാ​ൽ, ഇ​ന്ന​ലെ മ​ഴ ശ​മി​ച്ചി​ട്ടും പ​ന്പ​യാ​റി​ലെ ജ​ല​നി​ര​പ്പ് താ​ഴാ​ത്ത​തി​നാ​ൽ പ​ന്പാ ന​ദി​യു​ടെ കു​റു​കെ​യു​ള്ള കോ​സ്‌​വേ പാ​ല​ത്തി​ൽ​നി​ന്നു വെ​ള്ളം ഇ​റ​ങ്ങി​യി​രു​ന്നില്ല.വെ​ള്ള​ത്തി​ൻറെ ഒ​ഴു​ക്കി​നു ശ​ക്തി കു​റ​ഞ്ഞ​തോ​ടെ ഇ​രു​വ​രെ​യും തോ​ളി​ൽ ചു​മ​ന്നു പാ​ലം കു​റു​കെ ക​ട​ന്ന് അ​ക്ക​രെ ഇ​ട​ക​ട​ത്തി റോ​ഡി​ൽ എ​ത്തി​ച്ചു ആ​ശു​പ​ത്രി​യി​ൽ കൊ​ണ്ടു​പോ​വു​ക​യാ​യി​രു​ന്നു. ഇ​ന്നു ജ​ന​കീ​യ യോ​ഗം ചേ​ർ​ന്നു പു​തി​യ പാ​ലം നി​ർ​മാ​ണം സം​ബ​ന്ധി​ച്ചു ച​ർ​ച്ച ന​ട​ത്തി അ​ധി​കൃ​ത​രെ അ​റി​യി​ക്കാ​ൻ ഒ​രു​ങ്ങി​യി​രി​ക്കു​ക​യാ​ണു നാ​ട്ടു​കാ​ർ.