മെഡിക്കൽ കോളേജ് ബസ് സ്റ്റാൻഡിലെ കരുണാ ഹോട്ടലിൽ നിന്നുള്ള മലിന ജലം നടുറോഡിലൂടെ പുറത്തേയ്ക്ക് ; വഴി നടക്കാനാകാത്തവിധം ദുർഗന്ധം വമിച്ചതോടെ കരുണ ഹോട്ടൽ അടച്ചുപൂട്ടി നഗരസഭാ അധികൃതർ

സ്വന്തം ലേഖകൻ

Link

Embed

Copy and paste this HTML code into your webpage to embed.

കോട്ടയം : മെഡിക്കൽ കോളേജ് ബസ് സ്റ്റാൻഡിലെ കരുണാ ഹോട്ടലിൽ നിന്നുള്ള മലിന ജലം നടുറോഡിലൂടെ പുറത്തേയ്ക്ക് ഒഴുക്കുന്നു.

പൊതുജനങ്ങൾക്ക് വഴി നടക്കാൻ പറ്റാതായതോടെ നാട്ടുകാരും വ്യാപാരികളും പരാതിയുമായി നഗരസഭയിലെത്തി. റോഡിലൂടെ മാലിന്യം ഒഴുക്കുന്നത് ചൂണ്ടിക്കാണിച്ച് നഗരസഭാ ഹെൽത്ത് വിഭാഗം ഹോട്ടൽ ഉടമകൾക്ക് പലതവണ നോട്ടീസ് നല്കിയിരുന്നതാണ്.

തുടർന്നും റോഡിലൂടെ മാലിന്യം പുറത്തേക്ക് ഒഴുക്കുന്നത് തുടർന്നതോടെയാണ് നഗരസഭാ അധികൃതരെത്തി ഹോട്ടൽ അടച്ച് പൂട്ടിയത്.

കുമാരനല്ലൂർ സോണൽ ഓഫീസിലെ ഹെൽത്ത് ഇൻസ്പെക്ടർ രജിത റാണി, ജെഎച്ച്ഐമാരായ ജഗൽ ജിത്ത് , ശ്യാമില എന്നിവരാണ് പരിശോധന നടത്തിയത്.