കോട്ടയം ജില്ലാ പഞ്ചായത്ത് പ്രസിഡൻ്റായി കെ.വി ബിന്ദു തിരഞ്ഞെടുക്കപ്പെട്ടു; 22 അംഗ ഭരണസമിതിയിൽ എൽ ഡി എഫിന് 14 ഉം, യു ഡി എഫിന് 7 വോട്ടും ലഭിച്ചു

സ്വന്തം ലേഖകൻ

കോട്ടയം: എൽഡിഎഫ് ധാരണ പ്രകാരം കേരളാ കോൺഗ്രസ് (എം) പ്രതിനിധി നിർമ്മല ജിമ്മി രാജി വച്ചതിനെ തുടർന്ന് നടന്ന തിരഞ്ഞെടുപ്പിൽ കോട്ടയം ജില്ലാ പഞ്ചായത്ത് പ്രസിഡൻ്റായി കെ.വി ബിന്ദു തിരഞ്ഞെടുക്കപ്പെട്ടു.

സി പി എം കുമരകം ഡിവിഷൻ അംഗമാണ് കെ.വി ബിന്ദു. തെരഞ്ഞെടുപ്പിൽ ജില്ലാ കളക്ടർ ഡോ.പി.കെ ജയശ്രീ വരണാധികാരിയായിരുന്നു.

22 അംഗ ഭരണസമിതിയിൽ എൽ ഡി എഫിന് 14 ഉം,യു ഡി എഫിന് 7 വോട്ടും ലഭിച്ചു. കോൺഗ്രസിലെ രാധാ വി. നായരായിരുന്നു യുഡിഎഫ് സ്ഥാനാർത്ഥി.