ജീവന് ഭീഷണിയായി നിൽക്കുന്ന കോട്ടയത്തെ ആകാശപാത പൊളിച്ചു മാറ്റുകയോ പണി പൂർത്തീകരിക്കുകയോ ചെയ്യണം; തേർഡ് ഐ ന്യൂസിന്റെ ഹർജിയിൻമേൽ നിർണ്ണായക ഇടപെടലുമായി ഹൈക്കോടതി; ആകാശപാതയുടെ ഉറപ്പ് ആഗസ്റ്റ് 19,20,21,22 തീയതികളിൽ രാത്രി പത്തിന് ശേഷം പരിശോധിക്കും; ഹൈക്കോടതി നിർദ്ദേശപ്രകാരം ആകാശപാതയുടെ ബലം പരിശോധിക്കാനെത്തുന്നത് പാലക്കാട് ഐഐടിയിലെ വിദഗ്ധർ ; നാല് ദിവസവും കോട്ടയം നഗരത്തിൽ ഗതാഗത നിയന്ത്രണം !
സ്വന്തം ലേഖകൻ
കോട്ടയം: ജനങ്ങളുടെ ജീവന് ഭീഷണിയായി നിൽക്കുന്ന കോട്ടയത്തെ ആകാശപാത പൊളിച്ചു മാറ്റുകയോ പണി പൂർത്തീകരിക്കുകയോ ചെയ്യണമെന്ന തേർഡ് ഐ ന്യൂസ് ചീഫ് എഡിറ്റർ എ കെ ശ്രീകുമാറിന്റെ ഹർജിയിൻമേൽ നിർണ്ണായക ഇടപെടലുമായി ഹൈക്കോടതി.
മുൻപ് കേസ് പരിഗണിച്ചപ്പോൾ ആവശ്യമില്ലങ്കിൽ പൊളിച്ച് കളഞ്ഞ് കൂടെയെന്ന് ഹൈക്കോടതി വാക്കാൽ പരാമർശിച്ചിരുന്നു. തുടർന്ന് ഗൗരവമുള്ള വിഷയമാണെന്നും അടിയന്തിര റിപ്പോർട്ട് നല്കാനും സർക്കാരിനോട് ആവശ്യപ്പെട്ട് ഹർജി മാറ്റുകയായിരുന്നു.
Whatsapp Group 1 | Whatsapp Group 2 |Telegram Group
എന്നാൽ ആകാശപാതയുടെ പണി പൂർത്തികരിക്കാമെന്ന റിപ്പോർട്ടാണ് സർക്കാർ ഹൈക്കോടതിയിൽ സമർപ്പിച്ചത്. ഇതേ തുടർന്ന് കഴിഞ്ഞ മാസം കേസ് പരിഗണിച്ചപ്പോൾ ആകാശപാതയുടെ പണിപൂർത്തികരിക്കാൻ ആവശ്യമായ കാലതാമസം വ്യക്തമാക്കണമെന്നും, ആകാശപാത ഏഴ് വർഷമായി വെയിലും മഴയുേമേറ്റ് തുരുമ്പിച്ച് നിൽക്കുകയാണെന്നും
ആകാശപാതയുടെ ഉറപ്പ് പരിശോധിക്കണമെന്നും തേർഡ് ഐ ന്യൂസ് ഹൈക്കോടതിയിൽ ആവശ്യപ്പെട്ടു.
തുടർന്ന് ആകാശപാതയുടെ ഉറപ്പ് പരിശോധിച്ച് റിപ്പോർട്ട് നൽകാൻ പാലക്കാട് ഐഐടിക്ക് ഹൈക്കോടതി നിർദ്ദേശം നല്കി
ഇതേ തുടർന്ന് ഇന്ന് കോട്ടയം ജില്ലാ കളക്ടർ, പാലക്കാട് ഐഐടിയിലെ വിദഗ്ധർ, കിറ്റ്കോ അധികൃതർ, ആർടിഒ, മുനിസിപ്പൽ സെക്രട്ടറി, ട്രാഫിക്ക് എസ്എച്ച്ഒ, പിഡബ്ലുഡി അധികൃതർ ,തിരുവഞ്ചൂർ രാധാകൃഷ്ണൻ എംഎൽഎയുടെ പ്രതിനിധി എന്നിവർ കളക്ട്രേറ്റിൽ നടത്തിയ ചർച്ചകൾക്കൊടുവിലാണ് ഓണത്തിരക്ക് ഉണ്ടാകുന്നതിന് മുൻപായി ആഗസ്റ്റ് 19,20,21,22 തീയതികളിൽ രാത്രി 10 മുതൽ രാവിലെ 5 വരെ ആകാശപാതയുടെ ബലം പരിശോധിക്കാൻ തീരുമാനമായത്. ഈ ദിവസങ്ങളിൽ നഗരത്തിൽ രാത്രി 10 ന് ശേഷം ഗതാഗത നിയന്ത്രണമുണ്ടാകും.
ഏഴ് വർഷമായി കോട്ടയം നഗരമധ്യത്തിൽ പകുതി പണിത് ആർക്കും ഉപകാരമില്ലാതെ നിർത്തിയിരിക്കുന്ന ആകാശ പാതയുടെ തൂണുകൾ തുരുമ്പെടുത്ത് തുടങ്ങിയെന്നും പണി പൂർത്തീകരിക്കുകയോ, അല്ലാത്ത പക്ഷം പണിത ഭാഗം പൊളിച്ചുകളയുകയോ ചെയ്യണമെന്നാവശ്യപ്പെട്ട് സംസ്ഥാന സർക്കാരിനേയും, ജില്ലാ കളക്ടറേയും , റോഡ് സേഫ്റ്റി അതോറിറ്റിയേയും എതിർ കക്ഷികളാക്കിയാണ് എ കെ ശ്രീകുമാർ
ഹൈക്കോടതിയിൽ ഹർജി നൽകിയത്.
ഹർജിയിൽ തിരുവഞ്ചൂർ രാധാകൃഷ്ണൻ എംഎൽഎയും കക്ഷി ചേർന്നിട്ടുണ്ട്
തേർഡ് ഐ ന്യൂസിന് വേണ്ടി അഡ്വ. കെ രാജേഷ് കണ്ണൻ ഹാജരായി
