ബെംഗളൂരു: അധികാര കൈമാറ്റ ചർച്ചകൾക്കൊടുവിൽ കർണാടക മുഖ്യമന്ത്രി സ്ഥാനത്ത് നിന്ന് സിദ്ധരാമയ്യ രാജിവെച്ചു. രാജിക്കത്ത് ഗവർണറുടെ സെക്രട്ടറിക്ക് കൈമാറി. ഇൻഡോറിലുള്ള ഗവർണർ താവർ ചന്ദ് ഗെലോട്ട് ബെംഗളൂരുവിലെത്തിയതിന് പിന്നാലെ രാജി അംഗീകരിക്കുമെന്നാണ് റിപ്പോർട്ട്.
സിദ്ധരാമയ്യയുടെ രാജി അംഗീകരിച്ചതിന് ശേഷം കോൺഗ്രസ് നിയമസഭാകക്ഷിയോഗം ചേർന്ന് ഡി.കെ. ശിവകുമാറിനെ നേതാവായി തെരഞ്ഞെടുക്കും. കോൺഗ്രസ് കേന്ദ്ര നേതൃത്വത്തിന്റെ ധാരണപ്രകാരമാണ് അധികാര കൈമാറ്റം നടക്കുന്നത്. ശിവകുമാറിനെ മുഖ്യമന്ത്രിയാക്കാനുള്ള നീക്കങ്ങൾക്കൊടുവിലാണ് സിദ്ധരാമയ്യ പദവി ഒഴിഞ്ഞത്.
2023 മെയ് 20-നാണ് സിദ്ധരാമയ്യയുടെ നേതൃത്വത്തിലുള്ള കോൺഗ്രസ് സർക്കാർ അധികാരത്തിലെത്തിയത്. മൂന്ന് വർഷം പൂർത്തിയാക്കിയ സർക്കാരിൽ അധികാര പങ്കിടൽ ചർച്ചകൾ ശക്തമായിരുന്നു. ഡി.കെ. ശിവകുമാർ മുഖ്യമന്ത്രിയാകുന്നതോടെ കർണാടക രാഷ്ട്രീയത്തിൽ പുതിയ ഘട്ടത്തിനാണ് തുടക്കമാകുന്നത്.
Whatsapp Group 1 | Whatsapp Group 2 |Telegram Group
