ആയിരങ്ങളെ രക്ഷിച്ച ആ കൈകൾ ഇനിയില്ല, സാഹസിക രക്ഷാപ്രവര്‍ത്തകനായിരുന്ന കരിമ്പ ഷമീര്‍ അന്തരിച്ചു

പാലക്കാട്: സാഹസിക രക്ഷാപ്രവര്‍ത്തകനായിരുന്ന കരിമ്പ ഷമീര്‍ അന്തരിച്ചു. ഹൃദയാഘാതമായിരുന്നു മരണകാരണം.

ഉയരമുള്ള മരങ്ങളിലും വെള്ളക്കെട്ടുകളിലും ഇറങ്ങി ആയിരങ്ങളെ രക്ഷിച്ചിരുന്നയാളാണ് ഷമീര്‍. ഇത് ജനശ്രദ്ധപിടിച്ചുപറ്റിയിരുന്നു.

ശാരീരികാസ്വാസ്ഥ്യം അനുഭവപ്പെട്ടതിനെ തുടര്‍ന്ന് സ്വയം വണ്ടിയോടിച്ച് ആശുപത്രിയില്‍ എത്തുകയായിരുന്നു.

ഉത്തരാഖണ്ജിലെ സില്‍ക്യാര തുരങ്കത്തില്‍ തൊഴിലാളികള്‍ അകപ്പെട്ടപ്പോഴും ഷമീര്‍ രക്ഷാപ്രവര്‍ത്തനത്തിനെത്തിയിരുന്നു. കൂര്‍മ്പാച്ചി മലയില്‍ കുടുങ്ങിയ ബാബുവിനെ രക്ഷിച്ച സൈന്യത്തിന്റെ ദൗത്യസംഘത്തിലും അംഗമായിരുന്നു ഷമീര്‍.