സ്വന്തം ലേഖകൻ
കണ്ണൂർ : കുടുംബ വഴക്കിന് തുടർന്ന് ബന്ധുവിന്റെ ആക്രമണത്തിൽ പരിക്കേറ്റ് ചികിത്സയിൽ കഴിഞ്ഞിരുന്ന മധ്യവയസ്‌കൻ മരിച്ചു. വഴക്കിനെ തുടർന്ന് അടിയേറ്റ കയരളം മേച്ചേരിയിലെ പാപ്പിനിഞ്ചേരി വീട്ടിൽ ശശിധരനാണ് (49)മരിച്ചത്.
അടിയേറ്റതിനെ തുടർന്ന് കഴിഞ്ഞ വ്യാഴാഴ്ചയാണ് അടിയേറ്റതിനെ തുടർന്ന് ശശിഘരനെ ആശുപതിയിൽ പ്രവേശിപ്പിച്ചത്. കുടുംബവഴിക്കിനെ തുടർന്നുണ്ടായ വാക്കുതർക്കത്തിനിടെ ഒരു ബന്ധുവാണ് ശശിധരനെ ആക്രമിച്ചത്.
Whatsapp Group 1 | Whatsapp Group 2 |Telegram Group
ശശിധരന്റെ മകൾ സ്‌നേഹയുടെ പരാതിയിലാണ് പൊലീസ് കേസ് എടുത്തിരിക്കുന്നത്. ഭാര്യയുടെ സഹോദരനുമായുള്ള വാക്ക് തർക്കമാണ് മർദ്ദനത്തിന് കാരണമായതെന്ന് കാണിച്ചാണ് പരാതി നൽകിയിട്ടുള്ളത്.
ആക്രമണത്തിൽ ഗുരുതരമായി പരിക്കേറ്റ ശശിധരൻ പരിയാരത്തുള്ള കണ്ണൂർ ഗവൺമെന്റ് മെഡിക്കൽ കോളേജിൽ ചികിത്സയിൽ കഴിയുകയായിരുന്നു.ഇന്നലെയോടെ ആരോഗ്യസ്ഥിതി വഷളാവുകയും മരണം സംഭവിക്കുകയുമായിരുന്നു.
സംഭവത്തിൽ മയ്യിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. ശ്രീകണ്ഠാപുരം ചെമ്പേരി സ്വദേശിയാണ് മരിച്ച ശശിധരൻ. കാവുക്കാട്ട് ഭാസ്‌ക്കരൻ നായരുടെയും തണോളി മീനാക്ഷിയുടെയും മകനാണ് ആണ്. ഭാര്യ സിന്ധു.
