ദമ്പതികൾ സഞ്ചരിച്ച സ്കൂട്ടറിൽ കാറടിച്ച് അപകടം ; ചികിത്സയിലിരിക്കെ യുവതി മരിച്ചു ഭർത്താവ് ഗുരുതര പരിക്കുകളോടെ ആശുപത്രിയിൽ ; ഇരുവരും അപകടത്തിൽപ്പെട്ടത് രണ്ടുവർഷം മുൻപ് മകൻ മരിച്ച അതേ സ്ഥലത്ത്

കണ്ണൂർ : സ്കൂ‌ട്ടറിൽ കാറിടിച്ചു പരിക്കേറ്റ് ചികിത്സയിലായിരുന്ന യുവതി മരിച്ചു. മാവൂർ താത്തൂർപ്പൊയിൽ കണ്ണംവള്ളി പാറക്കൽ ജിജി ഭാസ്സറാണ് (46-പുഞ്ചിരി) മരിച്ചത്.

ഞായറാഴ്‌ച കണ്ണൂർ കല്ലൻകോട് ചെറുപുഴയിൽവെച്ച് ഇവർ സഞ്ചരിച്ച സ്കൂട്ടറിൽ കാർ ഇടിക്കുകയായിരുന്നു.

ഗുരുതരമായി പരിക്കേറ്റ ഇവരെ ആദ്യം പരിയാരം മെഡിക്കൽ കോളേജാശുപത്രിയിലും പിന്നീട് കോഴിക്കോട് ഗവ. മെഡിക്കൽ കോളേജാശുപത്രിയിലും പ്രവേശിപ്പിച്ചെങ്കിലും ചികിത്സയിലിരിക്കെ മരിക്കുകയായിരുന്നു.

ബൈക്കോടിച്ചിരുന്ന ഭർത്താവ് സുനിൽ സാരമായി പരിക്കേറ്റ് മെഡിക്കൽകോളേജ് ആശുപത്രിയിൽ ചികിത്സയിലാണ്. ഇവരുടെ മകൻ അബിൻ സുനിൽ രണ്ടുവർഷം മുൻപ് ഇതേ സ്ഥലത്തുവെച്ചാണ് ബൈക്കപകടത്തിൽ മരിച്ചത്.