ബിജെപിയിൽ അംഗത്വമെടുത്ത് എഐവൈഎഫ് സംസ്ഥാന കമ്മിറ്റി അംഗവും ആർപ്പുക്കര പഞ്ചായത്ത് സെക്രട്ടറിയും 

കോട്ടയം : സിപിഐ ആർപ്പുക്കര ലോക്കൽ സെക്രട്ടറിയും എഐവൈഎഫ് സംസ്ഥാന കമ്മിറ്റി അംഗവും ജില്ലാ ജോ:സെക്രട്ടറിയുമായ രാജേഷ് കെ കെ യും, എഐവൈഎഫ് ആർപ്പുക്കര പഞ്ചായത്ത് സെക്രട്ടറിയും എഐ ടി യു സി ചുമട്ട്തൊഴിലാളി സെക്രട്ടറിയുമായ സിബിൻ സിഎസ് എന്നിവർ ബിജെപി യിൽ അംഗത്വമെടുത്തു.

പാർട്ടി ജില്ലാ ഓഫീസിൽ നടന്ന ചടങ്ങിൽ ജില്ലാ പ്രസിഡൻ്റ് ലിജിൻലാൽ രാജേഷ് കെ കെ – നെയും, സംസ്ഥാന വക്താവ് അഡ്വ. നാരായണൻ നമ്പൂതിരി സിബിൻ സിഎസ് -നെയും ഷാൾ അണിയിച്ചു.

കുമരകം മണ്ഡലം പ്രസിഡൻ്റ് അഭിലാഷ് ശ്രീനിവാസൻ, കോട്ടയം മണ്ഡലം പ്രസിഡൻ്റ് വി പി മുകേഷ്, മുൻ കുമരകം മണ്ഡലം പ്രസിഡൻ്റ് ആൻ്റണി അറയിൽ, കുമരകം മണ്ഡലം ജന:സെക്രട്ടറിമാരായ ദീപു പണിക്കർ, അരുൺകുമാർ എന്നിവരും സന്നിഹിതരായിരുന്നു