ഡിഫൻസിൽ ജോലി വാഗ്ദാനം ചെയ്ത് ലക്ഷങ്ങൾ തട്ടി ; എരുമേലി സ്വദേശിയായ യുവതിയും ആൺസുഹൃത്തും പള്ളിക്കത്തോട് പോലീസിന്റെ പിടിയിൽ

പാമ്പാടി : ഡിഫൻസിൽ ജോലി വാഗ്ദാനം ചെയ്ത മൂന്നര ലക്ഷം രൂപ തട്ടിയ കേസിൽ യുവാവ് യുവതിയും അറസ്റ്റിൽ.

കണ്ണൂർ മാവിലായ കുന്നുംപുറം വീട്ടിൽ ഡിലിൻ അശോകൻ (32) , എരുമേലി കണമല മറ്റക്കര തൊണ്ടിയിൽ വീട്ടിൽ ആഷിൻ ജോസ് (28) എന്നിവരെയാണ് പള്ളിക്കത്തോട് പോലീസ് അറസ്റ്റ് ചെയ്തത്.

ഇൻസ്പെക്ടർ ടോംസൻ്റെ നേതൃത്വത്തിൽ അറസ്റ്റ് ചെയ്ത പ്രതികളെ കോടതിയിൽ ഹാജരാക്കി പതിനഞ്ച് ദിവസത്തേക്ക് റിമാൻഡ് ചെയ്തു.

പ്രതിയായ ദിലിൻ അശോകന്റെ പേരിൽ സമാന തട്ടിപ്പിൽ വിവിധ പോലീസ് സ്റ്റേഷനുകളിലായി കേസുകൾ നിലവിലുണ്ട്.