ജെസിബി ബൈക്കിൽ ഇടിച്ച് അപകടം; ചേർത്തലയിൽ യുവാവിനു ദാരൂണാന്ത്യം; സുഹൃത്ത് പരിക്കുകളോടെ ആശുപത്രിയിൽ

സ്വന്തം ലേഖകൻ 

ആലപ്പുഴ: ജെസിബി ഇടിച്ച് ബൈക്ക് യാത്രികനായ യുവാവിന് ദാരൂണാന്ത്യം. ചേർത്തലയിലാണ് അപകടം നടന്നത്. പട്ടണക്കാട് കിഴക്കെവെളി അനിരുദ്ധന്റെ മകൻ അഭിജിത് (21) ആണ് മരിച്ചത്.

ദേശീയ പാതയിൽ ചേർത്തല പൊലീസ് സ്റ്റേഷനു മുന്നിൽ ഇന്ന് രാവിലെ 11 മണിയോടെയാണ് അപകടം.

ഒപ്പമുണ്ടായിരുന്ന സുഹൃത്തിനെ പരിക്കുകളോടെ ആശുപത്രിയിൽ പ്രവേശിപ്പിച്ചു. നാലുകുളങ്ങര സ്വദേശി അനുദേവിനെയാണ് ആശുപത്രിയിൽ പ്രവേശിപ്പിച്ചത്.