ആശുപത്രിക്ക് നേരെയും ഇസ്രയേല്‍ ആക്രമണം; ആംബുലൻസുകള്‍ തക‌ര്‍ന്നു; അൻപത് പേര്‍ കൊല്ലപ്പെട്ടു; ഗാസയില്‍ കരമാര്‍വും വ്യോമമാര്‍ഗവും ആക്രമണം അഴിച്ചുവിട്ട് ഇസ്രയേല്‍
ഗാസ: ഗാസയില്‍ കരമാര്‍വും വ്യോമമാര്‍ഗവും ശക്തമായ ആക്രമണം അഴിച്ചുവിട്ട് ഇസ്രയേല്‍.
രാത്രി ഗാസ നഗരത്തിലെ അല്‍ -ഷിഫ ആശുപത്രിയുടെ കവാടത്തിലുണ്ടായ വ്യോമാക്രമണത്തില്‍ അമ്ബതോളം പേര്‍ കൊല്ലപ്പെട്ടു.
ഗുരുതരമായി പരിക്കേറ്റവരെ റാഫ അതിര്‍ത്തി വഴി വിദഗ്ദ്ധ ചികിത്സയ്ക്കായി ഈജിപ്റ്റിലേക്ക് കൊണ്ടുപോകും വഴിയാണ് ആക്രമണം. സംഭവത്തില്‍ അമ്ബതോളം പേര്‍ തത്ക്ഷണം മരിച്ചു.
Whatsapp Group 1 | Whatsapp Group 2 |Telegram Group
ഇന്തോനേഷ്യൻ ആശുപത്രിക്ക് നേരെയും ഇസ്രയേല്‍ ആക്രമണം നടത്തി.
അതേസമയം ഹമാസിന്റെ കുഴിബോംബുകളും കെണികളും മറികടന്ന് പൂര്‍ണ്ണമായും ഗാസയെ വളഞ്ഞെന്ന് സൈന്യം അറിയിച്ചു.
നൂറിലേറെ ഹമാസ് അംഗങ്ങളെ വധിച്ചു. ഗാസ ഇസ്രയേലിന് ശാപമായി മാറുമെന്നും സൈനികര്‍ കറുത്ത ബാഗുകളില്‍ ( മൃതദേഹങ്ങളായി ) തിരിച്ചെത്തുന്നത് അവര്‍ക്ക് കാണേണ്ടി വരുമെന്നും ഹമാസ് വെല്ലുവിളിച്ചു. അതിനിടെ, സെയ്‌തൂനിലും ജബലിയ അഭയാര്‍ത്ഥി ക്യാമ്പിലുമുണ്ടായ ആക്രമണങ്ങളില്‍ 22 പേര്‍ കൂടി കൊല്ലപ്പെട്ടു.
