ഇടുക്കിയില്‍ കാട്ടില്‍ പോയ ആദിവാസി യുവാവിനെ കരടി ആക്രമിച്ചു; കൈക്കും കാലിനും പരിക്ക്

ഇടുക്കി: കാട്ടില്‍ പോയ ആദിവാസി യുവാവിനെ കരടി ആക്രമിച്ചു.

ഇടുക്കി വണ്ടിപ്പെരിയാര്‍ സത്രം സ്വദേശി കൃഷ്ണൻകുട്ടിക്കാണ് പരുക്കേറ്റത്.

വനവിഭവങ്ങള്‍ ശേഖരിക്കാൻ കാട്ടിനുള്ളില്‍ പോയ കൃഷ്ണൻകുട്ടിയെ കരടി ആക്രമിക്കുകയായിരുന്നു. പരുക്കേറ്റ കൃഷ്ണൻ കുട്ടിയെ കൂടെയുള്ളവര്‍ സത്രത്തില്‍ എത്തിച്ചു.

പിന്നീട് പീരുമേട് താലൂക്ക് ആശുപത്രിയില്‍ പ്രവേശിപ്പിച്ച്‌ പ്രാഥമിക ചികിത്സ നല്‍കിയ ശേഷം വിദഗ്ദ ചികിത്സക്കായി കോട്ടയം മെഡിക്കല്‍ കോളേജിലേയ്ക്ക് മാറ്റി. കൃഷ്ണൻകുട്ടിയുടെ കൈക്കും കാലിനുമാണ് പരുക്കേറ്റത്.