ദിവസവും മുഖം ഐസ് ക്യൂബ് ഉപയോ​ഗിച്ച് മസാജ് ചെയ്യൂ, ​ഗുണങ്ങൾ പലതാണ്

സ്വന്തം ലേഖകൻ

ദിവസവും മുഖത്ത് ഐസ് ക്യൂബ് മസാജ് ചെയ്യുന്നത് അതിശയകരമായ മാറ്റങ്ങൾ ഉണ്ടാക്കുന്നു. വേനൽ ചൂടിൽ ചർമ്മത്തിലെ നിരവധി പ്രശ്നങ്ങൾ പരിഹരിക്കുകയും ഉന്മേഷം നൽകുകയും ചെയ്യുന്ന ഒരു പ്രതിവിധി കൂടിയാണ് ഐസ് ക്യൂബ് മസാജ്. ഐസ് ക്യൂബുകൾ ഉപയോഗിച്ച് കൊണ്ട് തന്നെ മുഖം സുന്ദരമാക്കാം.

ഐസ് ക്യൂബുകൾ മുഖത്ത് പുരട്ടുന്നത് വീക്കം കുറയ്ക്കാനും കണ്ണിന് ചുറ്റുമുള്ള വീക്കവും ഇരുണ്ട വൃത്തങ്ങളും കുറയ്ക്കുന്നു. ചർമ്മത്തിന്റെ ഭംഗിക്കും മൃദുത്വത്തിനുമായി ദിവസവും ഒരു നേരം ഐസ് ക്യൂബ് ഉപയോഗിച്ച് മുഖം നല്ല പോലെ മസാജ് ചെയ്താൽ മാത്രം മതി. ഐസ് ക്യൂബ് മസാജിങ് സ്ഥിരമാക്കാൻ ശ്രമിക്കണം. മുഖത്തെ ഇരുണ്ട നിറം മാറാൻ ഐസ് പാക്ക് മുഖത്ത് സഹായകമാണ്.

മുഖത്ത് ഐസ് ക്യൂബുകൾ പുരട്ടുന്നത് ചർമ്മത്തിന്റെ ആരോഗ്യത്തിലും രൂപത്തിലും ഗുണം ചെയ്യും, തണുത്ത താപനില കാരണം രക്തക്കുഴലുകൾ ചുരുങ്ങുകയും അതുവഴി രക്തചംക്രമണം വർദ്ധിക്കുകയും ചെയ്യും. ഇത് ചർമ്മകോശങ്ങൾക്ക് കൂടുതൽ ഓക്സിജൻ നൽകിയേക്കാം. ഇത് ആരോഗ്യകരമായ ഒരു ഘടനയ്ക്ക് കാരണമാകുന്നു.

ഐസ് ക്യൂബുകൾ കണ്ണിലോ മുഖത്തോ ഉള്ള വീക്കം കുറയ്ക്കാൻ സഹായിക്കും. ക്യൂബുകളുടെ തണുത്ത ഊഷ്മാവ് രക്തക്കുഴലുകൾ ചുരുങ്ങാൻ ഇടയാക്കും. മുഖക്കുരു കുറയ്ക്കാനും സുഖപ്പെടുത്താനും സഹായിക്കുന്ന ആന്റി-ഇൻഫ്ലമേറ്ററിയാണ് ഐസിന്റെ മികച്ച ഗുണങ്ങളിലൊന്ന്. മുഖക്കുരുവിന് പിന്നിലെ പ്രധാന കാരണങ്ങളിലൊന്നായ അധിക സെബം ഉൽപാദനം ഇത് കുറയ്ക്കുന്നു.

കണ്ണുകൾ വീർക്കുന്നത് വിവിധ കാരണങ്ങളാൽ ഉണ്ടാകാം. എന്നാൽ ഏറ്റവും സാധാരണമായ കാരണം ഉറക്കക്കുറവാണ്. വീക്കം കുറയ്ക്കാൻ ഐസിന് ഗുണമുണ്ട്. രാവിലെ എഴുന്നേൽക്കുമ്പോൾ ഐസ് ക്യൂബിട്ട വെള്ളം ഉപയോ​ഗിച്ച് മുഖം കഴുകുക