കഴുത്തിൽ വാൾവച്ച് ഭീഷണിപ്പെടുത്തി, മൂന്ന് വീടുകളും നാല് ഇരുചക്ര വാഹനങ്ങളും ഒരു കാറും തല്ലി തകർത്തു; കഴക്കൂട്ടത്ത് വീണ്ടും ഗുണ്ടാ ആക്രമണം

സ്വന്തം ലേഖകൻ

തിരുവനന്തപുരം: കഴക്കൂട്ടത്ത് വീണ്ടും ഗുണ്ടാ ആക്രമണം. തിരുവനന്തപുരം ഉള്ളൂർകോണത്താണ് അക്രമി സംഘം ആക്രമണം അഴിച്ചുവിട്ടത്.

വീട്ടമ്മയുടെ കഴുത്തിൽ വാൾവച്ച് ഭീഷണിപ്പെടുത്തിയ സംഘം വീടുകളും വാഹനങ്ങളും കടയും അടിച്ചു തകർത്തു. മൂന്ന് വീടുകളും നാല് ഇരുചക്ര വാഹനങ്ങളും ഒരു കാറുമാണ് സംഘം തകർത്തത്.

ഉള്ളൂർകോണം സ്വദേശി ഹാഷിം ആണ് ആക്രമണം അഴിച്ചുവിട്ടത്. നിരവധി അടിപിടി, കഞ്ചാവ് കേസുകളിൽ പ്രതിയാണ് ഇയാൾ.