കൊച്ചി: ഗ്യാസ് വിലവർധനവില് പ്രതിഷേധിച്ച് മെയ് ആറിന് ഹോട്ടലുകള് അടച്ചിടും.
ഹോട്ടല് ആൻഡ് റസ്റ്ററന്റ് അസോസിയേഷൻ സംസ്ഥാന കമ്മിറ്റി യോഗത്തിലാണ് തീരുമാനം. അഞ്ച് സംസ്ഥാനങ്ങളിലെ തെരഞ്ഞെടുപ്പിന് പിന്നാലെ 19 കിലോ ഭാരമുള്ള എല്പിജി വാണിജ്യ സിലിണ്ടറിന്റെ വിലയില് ഒറ്റയടിക്ക് 993 രൂപയാണ് വർധിച്ചത്.
ഒറ്റയടിക്ക് ഇത്രയധികം വില വർധിപ്പിക്കുന്നത് അപൂർവങ്ങളില് അപൂർവമാണ്. ഇതോടെ രാജ്യതലസ്ഥാനമായ ഡല്ഹിയില് വാണിജ്യ സിലിണ്ടറിന്റെ വില 3,071.50 രൂപയായി ഉയരും.
Whatsapp Group 1 | Whatsapp Group 2 |Telegram Group
മുംബൈയില് എല്പിജി വില 2031 രൂപയില് നിന്നും 3024 രൂപയായി വർധിച്ചു. 3085 രൂപയാണ് ഇന്ന് പ്രാബല്യത്തില് വന്നവിധം കൊച്ചിയിലെ വില.
തിരുവനന്തപുരത്ത് 3106 രൂപ. കോഴിക്കോട്ട് 3117.5 രൂപ. ഹോട്ടല്, റസ്റ്ററന്റുകള്, തട്ടുകടകള് എന്നിവയ്ക്ക് വലിയ ആഘാതമാണ് ഈ കനത്ത വിലക്കയറ്റം.
പ്രവർത്തനച്ചെലവ് കുത്തനെ കൂടുമെന്നതിനാല് ഭക്ഷണ വിഭവങ്ങളുടെ വില കൂട്ടാൻ ഇവർ നിർബന്ധിതരായേക്കും.
